XƏBƏR LENTİ

10 Mart 2021

Digər Xəbərlər

15 May 2017 - 15:16

Azərbaycan xarici ölkələrə ilbiz satmağa başlayıb –Kəndlərdə biri 50 qəpikdən ilbiz yığılır


 

Azərbaycanlıların ziyanverici həşərat hesab etdiyi, üzərinə duz tökərək məhv etdikləri ilbizi avropalılar ən qiymətli delikates kimi menyularında istifadə edirlər. 

Fransada kübar cəmiyyət nümayəndələrinin ziyafətlərində ilbiz ekzotika sayılır. Bu yemək daha çox varlı insanların süfrələrində yer alır. Səbəb isə onun həddindən artıq bahalı olmasıdır.

“Marja” xəbər verir ki, bu ilin Yanvar ayında Azərbaycanda "AZDELİKATES-ALFA" MMC adlı şirkət yaradılıb. Şirkət Azərbaycanda qeyri-adi hesab ediləcək bizneslə – ilbizlərin yığılaraq, emal edildikdən sonra ixracı ilə məşğul olur.

“Marja”nın əldə etdyi məlumata görə, ixraca yarıyan ilbizlər kəndlilər tərəfindən yığılır və şirkətə təhvil verilir. Xususi emal prosesindən keçirildikdən sonra ilbizlər Avropaya ixrac edilir.

Qeyd edək ki, Türkiyə çoxdandır Avropaya ilbiz ixrac edir. Fabrikdə qabığından ayrılan ilbizlər dondurularaq 90%-i Fransaya olmaqla, Rumıniya, Bolqarıstan, Çexiya, Makedoniya kimi Avropa ölkələrinə göndərilir. Yüksək zülal və aşağı yağ nisbətilə bir qida olan ilbiz bu ölkələrdə intensiv istehlak edilir.