XƏBƏR LENTİ

08 Mart 2021
07 Mart 2021
06 Mart 2021

Digər Xəbərlər

09 İyun 2017 - 17:25

Milli Məclis nağdsız hesablaşmalarla bağlı qanunda dəyişikliyə hazırlaşır –Banklardan təkliflər istənilib

Azərbaycan Banklar Assosiasiyası (ABA) banklara növbəti məktubunu göndərib.

 “Marja”nın əldə etdiyi məlumata görə, məktubda “Nağdsız hesablaşmalar haqqında” qanun layihəsinə dəyişikliklər edilməsi məqsədilə banklardan təkliflərin göndərilməsi istənilir.

 Digər bir məlumata görə, Qanuna dair təkliflər 12 iyunda Milli Məclisdə müzakirə olunacaq.

 Məktubda deyilir:

 “Məlumat üçün nəzərinizə çatdırırıq ki, “Nağdsız hesablaşmalar haqqında” Qanunun (Qanun) və Maliyyə Bazarlarına Nəzarət Palatasının (Palata) aidiyyəti tələblərinin icrasıyla bağlı Azərbaycan Banklar Assosiasiyasının (ABA) nəzdində fəaliyyət göstərən “Çirkli pulların yuyulmasına qarşı mübarizə və komplayns üzrə Ekspert Qrupu”nun nümayəndələrindən, Palata və Maliyyə Monitorinq Xidmətinin (MMX) əməkdaşlarından ibarət müvəqqəti İşçi Qrup yaradılmışdır.

 

Həyata keçirilmiş intensiv fəaliyyət nəticəsində, İşçi Qrup tərəfindən vergi ödəyicilərinin hesablarından fiziki şəxslərə köçürmələr, dövlət şirkətlərindən və dövlət müəssisələrindən vergi ödəyicilərinin hesablarına daxilolmaların istifadəsi, habelə Qanunun 3.5-ci maddəsinin tətbiqi üçün nəzarət prosesi üzrə tövsiyyələr hazırlanmışdır. Sözügedən sənədin hazırlanmasında ABA üzvü olan banklar, Palatanın və MMX-nın nümayəndələri yaxından iştirak etmişdir və sənəddə Qanunun ümumi mahiyyəti, bank praktikasından yaranan məqamlar, habelə vergi ödəyicilərinin mövqeləri nəzərə alınmışdır. ABA-nın məqsədi, sənəddə qeyd edilən nəzarət prosesinin tətbiqi nəticəsində Qanunun icrasıyla bağlı meydana çıxan məsələlərin aydınlaşdırılmasına şəraitin yaradılması və bunun vergi ödəyicilərinin mövzu üzrə şikayətlərinin azalması ilə nəticələnməsidir.

 Bundan əlavə, “Nağdsız hesablaşmalar haqqında Azərbaycan Respublikasının Qanunu”nun tətbiqi ilə bağlı banklardan daxil olan suallar Palataya ünvanlanmış, məsələ ilə əlaqədar Palata və MMX-nın nümayəndələri ilə bir neçə görüş keçirilmişdir.

Hazırda “Nağdsız hesablaşmalar haqqında Azərbaycan Respublikasının Qanunu” na əlavə və dəyişikliklər layihəsinin müvafiq orqanlarda müzakirəsi aparılır. Bunu nəzərə alaraq, Qanuna təklif etdiyiniz əlavə və dəyişiklikləri qoşmadakı cədvələ uyğun formada 09 iyun 2017-ci il, saat 16:00-a qədər ABA-ya e-poçt vasitəsilə ünvanlamanız xahiş olunur.