XƏBƏR LENTİ

15 Avqust 2020
14 Avqust 2020

Digər Xəbərlər

21 Noyabr 2015 - 09:21

Vergi bəyannaməsini təqdim etmək üçün bir zəng kifayətdir

Vergi bəyannaməsini telefon zəngi ilə də təqdim etmək mümkündür. Bu barədə Vergilər Nazirliyinin mətbuat xidmətindən bildirilib.

Artıq “ASAN imza”sı olan vergi ödəyicilərinin sadələşdirilmiş vergi bəyannamələrinin göndərilməsi üçün vergi orqanına getməyinə ehtiyac yoxdur: “Vergi ödəyicisi öz “ASAN imza”sından istifadə etməklə bəyannamələrini bir telefon zəngi vasitəsilə göndərə bilir. Bunun üçün “195” çağrı Mərkəzinə zəng etmək kifayətdir.

Zəngi qəbul edəcək mərkəzin təmsilçisinə “ASAN imza” nömrəsini, istifadəçi İD-sini və dövriyyə barədə məlumatı bildirir. Vergi ödəyicisi mobil telefonuna SMS şəklində gələn vergi bəyannaməsinin məlumatları ilə tanış olduqdan sonra “ASAN imza” PİN2 kodunu mobil telefonuna daxil edərək bəyannaməni imzalayır və sənəd sistem tərəfindən qəbul olunur. Paralel olaraq icra edilmiş əməliyyat barədə məlumatlar avtomatik şəkildə vergi ödəyicisinin İnternet Vergi İdarəsində olan elektron qutusuna göndərilir.

Hazırda çağrı Mərkəzi vasitəsilə fiziki şəxsin onlayn qeydiyyatı və şəhadətnamə-dublikatın alınması üçün ərizənin göndərilməsi xidmətlərinin tətbiqi istiqamətində işlər davam etdirilir(Azərtac).