XƏBƏR LENTİ

22 Yanvar 2021
21 Yanvar 2021

Digər Xəbərlər

07 Avqust 2017 - 20:01

“Rusiyaya görə OPEC+ anlaşmasının uzadılması çətin olacaq” –Ekspert

OPEC+ anlaşmasının 2018-ci il aprel ayının 1-dən fəaliyyətini dayandırması gözlənilir.

Buna səbəb Rusiyanın anlaşmadan çıxması amili ola bilər. Belə ki, "TASS"ın analitikləri tərəfindən aparılan sorğuda anlaşmanın 2018-ci ilin mart ayından sonra uzadılması ehtimalı çox azdır.

Analitiklərin fikrincə, ən çox anlaşmadan çıxmaq istəyən ölkə məhz Rusiyadır. Rəsmi Moskva əvvəldən hasilatın azadılmasına çətinliklə razılaşıb. Çünki RF son illərdə yeni layihələrə önəmli investisiyalar yatırıb ki, bu da ölkənin ən azı 2019-cu ilin sonuna qədər hasilatı artırmasını təmin etməlidir.

"Sberbank"ın analitiki Valeriy Nesterov hesab edir ki, Rusiya böyük ehtimalla hasilatın azaldılması anlaşmasının uzadılmasına razı olmayacaq. Belə ki, neftçilər hasilatın cari artım potensialından maksimum faydalanmaq istəyir və rəqiblərini öz istehlak bazarına buraxmağı düşünmür: "Hazırda neft sektorunda Rusiya ilə yanaşı, bir çox ölkə anlaşmanı bitirmək istəyir".

"Fitch" beynəlxalq reytinq agentliyinin korporasiyalar şöbəsinin müdiri Dmitriy Marinçenkoya görə, bu dəfə anlaşmanın uzadılması barədə razılığa gəlmək çətin olacaq/Report.