XƏBƏR LENTİ

26 Sentyabr 2020
25 Sentyabr 2020

Digər Xəbərlər

21 Dekabr 2015 - 10:05

“Dollar 1.60-1.70 manata kimi qalxa bilər” – İqtisadçı-ekspert

“1 dollar 1.60-1.70 manata kimi bahalaşa bilər”.

Strateq.az AzNews.az-a istinadən xəbər verir ki, bunu iqtisadçı-ekspert Rəşad Həsənov deyib.

Onun sözlərinə görə, hələlik orta və yaxın müddətli dövrdə manatın məzənnəsində sadəcə ucuzlaşma baş verəcək: “Mərkəzi Bankın üzən məzənnə siyasətinə keçməsi o deməkdir ki, növbəti dövrlərdə manatın məzənnəsinin müəyyənləşdirilməsi bazarlarda tələbat əsasında formalaşacaq. Düşünmürəm ki, bazarlarda manat həddən artıq çoxdur. Təbii ki, ilkin panika vəziyyətində mümkündür ki, müəyyən qədər, yəni kəskin rəqəmlərlə ifadə olunan devalvasiya müşahidə olunsun”.

Ekspert hesab edir ki, sonrakı dövrlərdə manatın məzənnəsində nisbətən möhkəmlənmə baş verəcək: “çünki bazarlarda manatın həcmi kifayət qədər azdır. Böyük ehtimalla məzənnə sonradan 1.35-1.40 aralarda sabitləşəcək. Sonrakı uzun müddətli dövrlərdə isə neftin qiymətindən asılı olaraq, manatın məzənnəsində möhkəmlənmə və ucuzlaşma prosesi də baş verə bilər.

Nəzərə alsaq ki, son hadisələr neftin qiyməti ilə bağlı heç də müsbət proqnozlar verməyə əsas vermir, o zaman deyə bilərik ki, yaxın və orta dövrlərdə manat ancaq ucuzlaşacaq. Dollar hətta 1.60-1.70 manata kimi qalxa bilər”.

Qeyd edək ki, bu gün Azərbaycanda ikinci devalvasiya həyata keçirilib. Bugünkü məzənnəyə əsasən, 1 dollar 1,5500 manat təşkil edir.