XƏBƏR LENTİ

21 Oktyabr 2020
20 Oktyabr 2020

Digər Xəbərlər

21 Dekabr 2015 - 14:44

Bakı Fond Birjasında dəyişiklik – Təyinatlar

Bu gün Bakı Fond Birjasının (BFB) səhmdarlarının növbədənkənar ümumi Yığıncağı keçirilib.

BFB-dən verilən məlumata görə, iclas zamanı fondun Müşahidə Şurasının yeni üzvlərinin və sədrinin seçilməsi üzrə səsvermə keçirilib.

Səhmdarların səsvermə nəticələrinə görə, “Kapital Bank” ASC-nin İdarə Heyətinin sədri Rövşən Allahverdiyev BFB-nin Müşahidə Şurasının yeni sədri seçilib.

Qeyd edək ki, R.Allahverdiyev 1972-ci ildə Bakı şəhərində anadan olub. O, Azərbaycan Dövlət İqtisad Universiteti, Əmək İqtisadiyyatı və Sosiologiya ixtisası üzrə təhsil alıb. 1992-ci ildən etibarən ölkənin maliyyə sektorunda fasiləsiz xidmət göstərir, müxtəlif banklarda rəhbər vəzifələr tutub. Rövşən Allahverdiyev, 2013-cü ilin iyun ayından etibarən isə “Kapital Bank” ASC-nin İdarə Heyətinin sədri vəzifəsində çalışır.

ümumi Yığıncaq əsnasında Azərbaycan Beynəlxalq Bankının baş direktoru Fuad İslamov BFB-nin Müşahidə Şurasının yeni üzvü seçilib.

F.İslamov 1969-cu ildə Bakı şəhərində anadan olub. O, Azərbaycan Dövlət İqtisad Universiteti, Qeyri-iqtisadi əlaqələrin planlaşdırması və təşkili, Azərbaycan Dövlət Neft və Sənaye Universiteti, Mühəndis fizik-neftçi fakültələrində təhsil alıb, 1992-2011-ci illərdə Azərbaycan Beynəlxalq Bankında müxtəlif vəzifələrdə çalışıb. 2011-ci ildən Azərbaycan Beynəlxalq Bankının baş direktoru vəzifəsində çalışır.

APA