XƏBƏR LENTİ

01 Noyabr 2020
31 Oktyabr 2020

Digər Xəbərlər

24 Oktyabr 2017 - 00:16

Azərbaycanın daha bir bölgəsində neft tapıldı –Rəsmi açıqlama

Bu günlərdə Quba rayonunun Talabı kəndində neft çıxması barədə məlumatlar yayılıb.

Bu məlumatlara aydınlıq gətirən Quba Rayon İcra Hakimiyyəti başçısının Talıbıqışlaq nümayəndəsi nümayəndəsi Xanlar Heybətov "Sputnik  Azərbaycan"a sözügedən kənddə neftin çıxmasının təzə xəbər olmadığını deyib.

Onun sözlərinə görə, 47 il əvvəl Talabı kəndinin ərazisində neft quyusu aşkar edilib. 1970-ci ildə bura mütəxəssislər gəlib təxminən 1000 metrə yaxın qazıntı işləri aparıblar və qazma qurğusu sındığına görə işi dayandırıblar. Bir müddətdən sonra isə qayıdıb qazıntı üçün lazım olan digər avadanlıqları da götürüb gediblər.

Bundan sonra, 1973-cü ilə qədər qazıntı aparılan ərazidə az da olsa neft çıxıb.

"Sonralar bu ərazilərdə nefti cüzi şəkildə görmək olurdu. Son zamanlarda isə köpük qarışıq neft çıxır. Sakinlər vaxtaşırı bu neftdən istifadə edirlər. Amma burada daim neftin çıxdığı quyu yoxdur", – deyə Heybətov bildirib.

Onun sözlərinə görə, bu ərazidən çıxan neft əsasən müalicəvi əhəmiyyətli neftə bənzəyir.