XƏBƏR LENTİ

27 May 2020
26 May 2020

Digər Xəbərlər

25 Dekabr 2017 - 15:57

“Morgan Stanley”:“Bitkoinin real qiyməti sıfır ola bilər”

"Bitcoin"in real qiyməti əslində sıfıra bərabər ola bilər.

"Report" xəbər verir ki, bunu ABŞ-ın "Morgan Stanley" bankının analitiki Ceyms Foset (James Faucette) "Bitcoin Decrypted" adlı məqaləsində bildirib.

Məqalədə qeyd olunur ki, "bitcoin" bir valyuta kimi fəaliyyət göstərməməklə birlikdə, həmçinin bir yığım vasitəsi (qızıl, gümüş kimi) davranmır. Bu, virtual valyutaya qiymət vermək çox çətindir.

C.Foset "bitcoin"in həqiqi dəyəri ilə əlaqədar bir sıra fikirlər səsləndirib: "Birincisi, "bitcoin" faiz gəliri vermədiyi üçün pul vahidi hesab edilə bilməz. İkincisi, "bitcoin"i rəqəmsal qızıla bənzətsələr də, o, qızıl ola bilməz. Çünki, qızıl elektronika sahəsində və zinət əşyalarında istifadə olunur. Üçüncüsü, "bitcoin"in gündəlik alqı-satqı həcmi orta hesabla 3 mlrd. dollara çatıb. Amma, valyuta bazarının gündəlik əməliyyatlarının həcmi 5,4 trln. dollar təşkil edir. "Bitcoin"lə gündəlik 300 mln. dollarlıq mal və xidmət alışı həyata keçirilirsə, "Visa" kart sistemi ilə bu, gündəlik 17 mlrd. dollar təşkil edir".

Foset hesab edir ki, rəqəmsal valyuta getdikcə dünya tərəfindən nüfuzdan düşəcək və artıq bu bazar daralmağa başlayıb. Belə ki, əgər 2016-cı ildə dünyanın aparıcı 5 internet alış-veriş şirkəti "bitcoin"lə əməliyyat keçirirdisə, hazırda onların sayı 3-ə enib.