XƏBƏR LENTİ

01 Noyabr 2020
31 Oktyabr 2020

Digər Xəbərlər

05 Fevral 2018 - 10:38

ABŞ bankları  bitkoini qadağan edir –Kriptovalyuta üçün çətin zamanlar

Cənubi Koreyanın kriptovalyuta bazarı əməliyyatlarını fiziki şəxslərin hesabları ilə aparılmasını məhdudlaşdırmasından sonra bir "zərbə" də ABŞ-dan gəldi.

ABŞ-ın ən böyük maliyyə qurumlarından “JPMorgan Chase & Co.”, “Bank of America Corp.” və “Citigroup Inc.”, buraxdıqları kredit kartlarından Bitcoin və digər kriptovalyutaların satın alınmasını qadağan edib. “JPMorgan”ın sözçüsü Mary Jane Rogers, transferlər zamanı yarana biləcək risk səbəbilə bu qərarı verdiklərini deyib.

“Bank of America”dan verlən açıqlamada isə kripto transferlərinin cümə günü dayandırıldığı, qərarın bütün fərdi və korporativ kredit kartlarını əhatə etdiyi, ancaq ATM kartlarına (debet kartları) aid olmadığı qeyd olunub.

“Citigroup”un sözçüsü Jennifer Bombardier isə bazardakı vəziyyətə bağlı olaraq siyasətlərini nəzərdən keçirməyə davam edəcəklərini söyləyib. Bitcoin 18 dekabrdan bu yana dəyərinin yarıdan çoxunu itirib və noyabrdan bu yana ilk dəfə 8 min dollardan aşağı düşüb. Bu sürətli azalmaya getdikcə artan hökumət məhdudlaşdırmaları, manipulyasiya qorxusu və Facebookun kriptovalyuta reklamlarını qadağan etməsi səbəb olub. (Fed.az)