XƏBƏR LENTİ

10 Mart 2021

Digər Xəbərlər

01 Mart 2018 - 10:44

Bakıda metro çıxışlarında 10 yarmarka açılacaq –Bayramqabağı bahalaşmaya qarşı

Bakıda Novruz bayramı ilə bağlı bayram yarmarkaları üçün nəzərdə tutulan çadırların quraşdırılmasına başlanılıb.

Bakı Şəhər İcra Hakimiyyətinin Xidmət və Ticarət Departamentinin mətbuat xidmətinin rəhbəri Əlabbas Bağırov "Report"a bildirib ki, yarmarkalar paytaxtın 10 nöqtəsində fəaliyyət göstərəcək:

"Artıq yarmarkalardan 8-i açılıb. Digər iki yarmarka yaxın günlərdə açılacaq. Yarmarkalar əsasən metro stansiyalarının çıxışlarında quraşdırılıb. Ənənəvi bayram yarmarkaları martın 25-nə kimi açıq olacaq. Yarmarkların təşkilində əsas məqsəd bayramqabağı paytaxtda qiymət artımının qarşısını almaq və küçə ticarətini həmin yarmarkalara cəlb etməkdir".