XƏBƏR LENTİ

05 İyun 2020
04 İyun 2020

Digər Xəbərlər

16 Mart 2018 - 13:07

Deputat hökuməti problemli kreditləri həll etməyə çağırdı:“Bir hissəsini dövlət üzərinə götürsün”

"Azərbaycanda bank sisteminin sağlamlaşdırılması qeyri-neft sektorunun inkişafı və bu sahədə artımın əldə olunması üçün vacibdir”.

Bunu Milli Məclisin bu gün keçirilən plenar iclasında millət vəkili Əli Məsimli deyib. Onun sözlərinə görə, bank sektorunun sağlamlaşdırılması “Azərbaycan Beynəlxalq Bank” ASC-nin restrukturizasiyası ilə yekunlaşmamalıdır. “Bankların ənənəvi sürətdə yüksək faizlə qazanc əldə etməsində sektor üçün heç bir perspektiv yoxdur. Bunun əvəzinə banklar daha perspektivli yolla biznes layihələrinin maliyyələşdirilıməsinə keçə və real addım atıla bilər. Bundan başqa, problemli kreditləri həll etmədən bank sistemini sağlamlaşdırmaq mümkün deyil.

Təkliflər hazırlayıb aiddiyyəti orqanlara göndərmişik ki, bu yük yalnız bir qurumun üstünə düşməsin. Xarici valyutadakı kreditlərin bir hissəsini dövlət, bir hissəsini Mərkəzi Bank, bir hissəsini kommersiya bankları, bir hissəsini isə əhali öz üzərinə götürməlidir. Bu qurumları təkliflərə həssas yanaşmağa və bu il bu istiqamətdə real işlər görməyə çağırırıq”, – deyə Ə. Məsimli qeyd edib.