XƏBƏR LENTİ

19 Sentyabr 2020
18 Sentyabr 2020

Digər Xəbərlər

27 Sentyabr 2018 - 20:45

Azərbaycan Dövlət Turizm Agentliyi Rusiyada nümayəndəlik açacaq –Bu ilin sonuna kimi

Azərbaycan Dövlət Turizm Agentliyi 2018-ci ilin sonuna qədər Rusiyada nümayəndəliyini açacaq.

Bunu Dövlət Turizm Agentliyinin Beynəlxalq bazar şöbəsinin müdiri Sevinc Zeynallı Bakıda keçirilən IX Azərbaycan-Rusiya Regionlararası Forumunda deyib.

Şöbə müdirinin sözlərinə görə, açılacaq nümayəndəliyin əsas vəzifəsi Rusiya bazarının təhlili, eləcə də keçiriləcək müxtəlif tədbirlərdə iştirak etməkdir.

S.Zeynallı əlavə edib ki, bundan başqa, nümayəndəlik Rusiyadakı turizm agentlikləri üçün seminarlar təşkil edəcək, eləcə də Azərbaycanda turizmin müxtəlif istiqamətləri barədə onları məlumatlandıracaq.

Rusiyanın turizm üzrə Federal Agentliyinin rəhbəri Oleq Safonov da Rusiyada belə bir nümayəndəliyin açılmasını dəstəklədiklərini qeyd edib/Trend.