XƏBƏR LENTİ

22 Sentyabr 2020

Digər Xəbərlər

23 Noyabr 2018 - 15:05

“Neftin 55 dollara düşməsi büdcə üçün təhlükə deyil, amma…” –Ekspert mümkün ssenariləri araşdırıb

İqtisadçı ekspert Rövşən Ağayev neftin ucuzlaşmasının Azərbaycanın gələn il üçün hazırlanmış  dövlət büdcəsinin gəlirlərinə və ölkənin maliyyə sektoruna mümkün təsirlərini araşdırıb.

Strateq.az ekspertin şərhini təqdim edir:

“Neftin 55 dollara qədər ucuzlaşması nə ödəmələr balansı, nə də büdcə baxımından ciddi risk yaratmır. Bu qiymət səviyyəsində yalnız hökumətin Neft Fonduna gələn il üçün planladığı 3 mlrd. manata yaxın yığım mümkün olmaya bilər – yəni ən pis variantda Neft Fondunun gələn ilki gəlirləri tamamilə xərclənər.

50 dollar isə riskli həddir. Bu nöqtədə hökumət 2015-cii ildə olduğu kimi Neft Fondunun ehtiyatlarını büdcəyə cəlb etməmək, büdcədə balansı təmin etmək üçün dövlət büdcəsinin xərcləri ən azından 2 mlrd. manat ixtisar etməli olacaq. Ya da ehtiyatlara əl atmaq lazım gələcək.

50 dollar ölkənin ödəmələr balansında tarazlığı qorumaq üçün də yetərli deyil. Bu hədd Mərkəzi Bankın bazara daimi müdaxiləsi üçün siqnalın başladığı nöqtədir”.