XƏBƏR LENTİ

10 Mart 2021

Digər Xəbərlər

01 İyul 2019 - 16:59

Elman Rüstəmovdan manatla bağlı açıqlama:"Dollar niyə bahalaşmalıdır ki?"

Xəbər verdiyimiz kimi, son günlərdə Gürcüstanda ABŞ dolları və avronun milli valyuta olan lariyə münasibətdə bahalaşma tendensiyası davam edir. Bəzi iqtisadçı ekspertlər Azərbaycanda xarici valyutanın (dollar, avro) bahalaşacağını istisna etmirlər. 

Strateq.az xəbər verir ki, məsələ ilə bağlı Unikal.org-a açıqlama verən Mərkəzi Bankın İdarə Heyətinin sədri Elman Rüstəmov Azərbaycanda dolların bahalaşması üçün  heç bir əsas olmadığını deyib:

“Gürcüstanda hansısa prosses gedirsə, bunun heç birinin ölkəmizə iqtisadi təsiri yoxdur. Bu olmadığı halda da dollar niyə bahalaşmalıdır ki? Hesab edirəm ki, ölkəmizdə dolların bahalaşması üçün heç bir iqtisadi əsas yoxdur”. 

E.Rüstəmov ölkədə əmək haqları və pensiyaların artımından sonra inflyasiyanın olmayacağını da dilə gətirib: “Bu məsələnin də nə inflyasiyaya, nə də xarici valyutaya heç bir təsirini görmürəm və bu, olmayacaq da”.