XƏBƏR LENTİ

01 Dekabr 2020
30 Noyabr 2020

Digər Xəbərlər

23 Yanvar 2016 - 12:12

“Bank of Azerbaijan”ın əmanətlər üzrə öhdəliklərinin yerinə yetirilməsinə[color=red] moratorium qoyuldu

Əmanətlərin Sığortalanması Fondu (ƏSF) Azərbaycan Respublikasının Mərkəzi Bankı tərəfindən təqdim olunmuş 22 yanvar 2016-cı il tarixli məktuba istinadən bildirir ki, "Bank of Azerbaijan" ASC-nin öhdəliklərinin icrasına, o cümlədən əmanətlər üzrə öhdəliklərinin yerinə yetirilməsinə moratorium tətbiq edilib.

ƏSF-dan bildiriblər ki, bununla da "Əmanətlərin sığortalanması haqqında" Azərbaycan Respublikasının Qanununun 2.1.9-cu maddəsinə müvafiq olaraq, sığorta hadisəsinin baş verməsi və "Bank of Azerbaijan" ASC-nin əmanətçilər qarşısında öhdəliklərini yerinə yetirə bilməməsi faktı Mərkəzi Bank tərəfindən təsdiq edilir.

Əmanətlərin Sığortalanması Fondu "Bank of Azerbaijan" ASC-də sığorta hadisəsi baş verməsi barədə bildirir ki, 2016-cı il yanvarın 22-si "Bank of Azerbaijan" ASC-də sığorta hadisəsinin baş verdiyi gün hesab olunur.

Qeyd edək ki, "Bank of Azerbaijan" ASC-də 30 min manatadək qorunan əmanəti olan qorunan əmanətçilərin əmanətlərinin 100 faiz həcmində kompensasiya ediləcəyinə Fond təminat verir.

"Əmanətlərin sığortalanması haqqında" Azərbaycan Respublikası Qanununun 28.1-ci maddəsinə uyğun olaraq, 7 təqvim günü ərzində "Bank of Azerbaijan" ASC-nin qorunan əmanətçilərinə kompensasiyaları ödəmək üçün seçilmiş agent banklar və kompensasiyaların ödəniş tarixi və yeri haqqında əlavə məlumat veriləcək.