XƏBƏR LENTİ

01 Dekabr 2020
30 Noyabr 2020

Digər Xəbərlər

06 Fevral 2016 - 06:00

Moody’s Azərbaycanın[color=red] reytinqini aşağı saldı

Beynəlxalq kredit reytinqi agentliyi "Moody's Investors Service" Azərbaycanın reytinqlərini azaldıb.

Strateq.az "marja" agentliyin yaydığı məlumata istinadən xəbər verir ki, Azərbaycanın "Baa3" səviyyəli dövlət istiqrazları və emitent reytinqləri  "Ba1" səviyyəsinə endirilib.

Bir neçə gün öncə "Standard and Poor's” reytinq agentliyi də Azərbaycanın kredit reytinqini "BBB-" səviyyəsindən "BB+" səviyyəsinə endirmişdi.

"Moody's Investors Service" reytinqin "Ba1"ə endirilməsinə səbəb kimi, neftin qiymətinin daha da aşağı düşməsinin iqtisadiyyata təsirini, ortamüddətli perspektivdə iqtisadi artım perspektivlərini, Azərbaycanın maliyyə sistemində təzyiqlərin artmasını, valyuta ilə ödəniş balansı mövqeyini, etimadın itirilməsini, hökumətin fiskal mövqeyi və borc göstəricilərinin pisləşməsini və s. göstərib.

Həmçinin Azərbaycanın xarici valyutada istiqraz və depozit tavanı müvafiq olaraq 
"Baa3/P-3" və "Baa3/P-3" səviyyələrindən "Ba1/NP" və" Ba2/NP" səviyyələrinə salınıb. Eyni zamanda yerli valyutada istiqraz və depozit üzrə ölkə tavanı "Baa3"dən "Ba1 "ə endirilib.

Moody's qeyd edir ki, Azərbaycan karbohidrogenlərdən çox asılıdır. Azərbaycanın ixracının 90%-dən çoxunu neft və qaz təşkil edir və ÜDM-in təxminən üçdə birini təmin edir. İcmal dövlət büdcəsinin gəlirlərinin 60-70%-i neft və qaz ilə bağlıdır.

Neftin qiymətinin aşağı düşməsi Azərbaycana getdikcə daha çox pis təsir göstərir, iqtisadi artıma, hökumət maliyyə gücünə və maliyyə sektorunun sabitliyinə əhəmiyyətli dərəcədə mənfi təsir göstərir.

Moody's 2015-ci il üzrə Azərbaycanın ÜDM-nin artım proqnozunu 2.8%-dən 1.1%-ə qədər azaldıb. Agentlik 2016-cı ildə Azərbaycan iqtisadiyyatının 0.7%, 2017-ci ildə isə 1.7% artacağını gözləyir.