XƏBƏR LENTİ

10 İyul 2020

Digər Xəbərlər

11 Fevral 2020 - 18:55

“Sahibkarlıq subyektlərində yoxlamalar 44% azalıb” –Mikayıl Cabbarov

“2019-cu ildə Azərbaycanda əmək müqavilələrinin sayı 18,4% artıb”.

Bunu “Vergi islahatları: Birlikdə kölgədən işıqlığa doğru” adlı konfransda çıxış edən İqtisadiyyat naziri Mikayıl Cabbarov deyib.

Onun sözlərinə görə, son nəticədə sosial sığorta ayırmaları üzrə daxilolmalar 24%, işsizlikdən sığorta üzrə daxilolmalarda 40% artım qeydə alınıb.

Nazirin sözlərinə görə, ötən il sahibkarlıq subyektlərində yoxlamalar 44% azalıb, yoxlamalar nəticəsində hesablanmış ödəmələrin məbləği isə 18% artıb.

“Hazırda hər iki ödəyicidən yalnız biri səyyar yoxlamaya məruz qalır. Büdcəyə daxil olan vergi daxil olmalarının 91%-i isə könüllü ödəmələr hesabına formalaşır”, – M.Cabbarov əlavə edib.

Nazir onu da əlavə edib ki, 2019-cu ildə hüquqi şəxslərin bank hesabları 19%, fiziki şəxslərin bank hesabları isə 26% artıb: “Aktiv ƏDV ödəyicilərinin sayı 37,5%-ə qədər artıb və nəticədə ƏDV üzrə ümumi artım 16,4% təşkil edib”.

Report