XƏBƏR LENTİ

28 Oktyabr 2020

Digər Xəbərlər

10 Mart 2016 - 15:25

“Azərbaycanda 2,5 milyon nəfərin kredit borcu var” –Mərkəzi Bank

merkezi_bank_0001.jpg

Azərbaycan Mərkəzi Bankı (AMB) yanında Mərkəzləşdirilmiş Kredit Reyestri Xidmətinin məlumatına görə, 2016-ci ilin yanvar ayının yekunlarına görə, Azərbaycanda 2 milyon 550 min 916 nəfər borcalan (kredit borcu olanlar) qeydə alınıb. Bu isə ötən ilin yekunları ilə müqayisədə 5 192 nəfər və ya 0,2% çoxdur.

Bu barədə Mərkəzi Bank açıqlama yayıb.

Bildirilib ki, cari ilin fevralın 1-nə xidmətin bazasında 11 milyona yaxın kredit haqqında informasiyalar saxlanılır. AMB-nin məlumatına görə, yanvar ayının yekunlarına görə, xidmətə daxil olan sorğuların sayı 164 026- dan 87 092-ə düşüb. Sorğuların 73,87%-i banklar tərəfindən edilib. 

Bundan başqa, Azərbaycanda 2012-ci ildə 1 milyon 540 min borcalan, 2013-cü ildə Azərbaycanda 1 milyon 952 min borcalan, 2015-ci ilin yekunlarına görə isə 2 milyon 545 min 724 nəfər borcalan qeydə alınıb. 

Qeyd edək ki, yanvar ayının yekunlarına görə, zamin şəxslərin sayı cüzi də olsa, 1 milyon 216 min 029-dan 1 milyon 216 min 580-dək artıb.