XƏBƏR LENTİ

03 Dekabr 2020

Digər Xəbərlər

16 Mart 2016 - 14:28

İki ayda Azərbaycanda 114 xarici investisiyalı müəssisə qeydiyyata alınıb:Siyahıda Rusiya yoxdur – Vergilər Nazirliyi

 

invest

 

Vergilər Nazirliyinin vergi ödəyicilərinin qeydiyyatı ilə bağlı informasiya bazasının məlumatına əsasən, ölkəmizdə cari ilin əvvəlindən 25 min 508 sayda vergi ödəyicisi qeydiyyata alınıb.

 

Onlardan 23 min 828-i fiziki şəxs, 1680-i hüquqi şəxs, o cümlədən, 114-ü xarici investisiyalı müəssisədir.

Nazirliyin mətbuat xidmətindən AZƏRTAC-a bildirilib ki, qeyri-neft sektorunda fəaliyyət göstərən xarici investisiyalı müəssisələrin maraq dairəsi də genişlənib. Onları cəlb edən sənaye, tikinti, nəqliyyat kimi sahələr sırasına turizm, xidmət və ticarət də əlavə olunub. Ölkəmizin biznes sektoruna daxil olan ölkələrin müxtəlifliyi də artıb.

Belə ki, yeni qeydiyyata alınmış müəssisələrdən kommersiya fəaliyyəti və idarəetmə sahəsində ixtisaslaşan “Sparkassen Advisory Services” MMC Almaniyanı, mühəndis avadanlıqlarının quraşdırılması ilə məşğul olan “General Engineering Services and Supply Company LP” Böyük Britaniya və Şimali İrlandiya Birləşmiş Krallığını, bazar konyunkturasının tədqiqi və ictimai rəyin öyrənilməsi ilə məşğul olan “Trea International Group, İNC” şirkəti Amerika Birləşmiş Ştatlarını, nəqliyyat sahəsində ixtisaslaşmış “SKYBUS” MMC Estoniyanı, “United Alliance Group LTD” şirkəti Birləşmiş Ərəb Əmirliklərini, “Vega International Car Transport & Logistic-Trading Gesellschaft” şirkəti Avstriyanı, “DB International GMBH” şirkəti Almaniyanı, kartoqrafiya fəaliyyəti göstərən “AİRBUS Ds Geo Sa” şirkəti Fransanı, neft və təbii qaz sahəsində fəaliyyət göstərən “Qinterra Technologies AS” və “EPİ limited” şirkətləri Norveç Krallığını, tikinti sektorunda çalışan “LAB TEC” MMC İran İslam Respublikasını, turizm xidmətləri göstərən “Kroun Konsaltinq” şirkəti Ukraynanı, rezin məmulatların istehsalı ilə məşğul olan “Coşkun Kauçuk” MMC Türkiyəni təmsil edir.

Qeyd olunub ki, xarici investisiyaların ölkəmizə yönəlməsi böyük maliyyə imkanlarına malik iri şirkətlərin sayının artmasına, onların iqtisadiyyata sərmayə qoyuluşlarının güclənməsinə və özəl sektorun daha da inkişafına yol açır.