XƏBƏR LENTİ

02 Dekabr 2020
01 Dekabr 2020

Digər Xəbərlər

10 Noyabr 2020 - 18:10

Qızıl sürətlə ucuzlaşdı –Birjalardakı son qiymətlər açıqlandı

Koronavirusa qarşı ABŞ-ın “Pfizer İnc.” və Almaniyanın “BioNTech” şirkətləri tərəfindən hazırlanmış yeni dərmanın sınaqlarda 90 faizdən artıq səmərəli olmasına dair xəbərlərin təsirilə qızılın son 3 ayda ən kəskin ucuzlaşması baş verib.

Məlumata görə, Nyu-York Əmtəə Birjasında (NYMEX) ötən gün Bakı vaxtı ilə saat 20:40-a olan vəziyyətə görə qızılın dekabr fyuçersləri 5,1 faiz ucuzlaşaraq 1852,8 ABŞ dollardan satılıb. Ötən həftə isə qızıl son üç ayda ən yüksək sürətlə bahalaşmışdı.

Həmçinin ötən həftə avqust ayının əvvəlindən bu yana ən yüksək göstərici olan 8,5 faiz bahalaşan gümüşün dekabr fyuçersləri də 7,2 faiz ucuzlaşaraq 23,815 ABŞ dollarından satılıb. Palladiumun dekabr fyuçersləri 0,95 faiz ucuzlaşaraq 2476,3 ABŞ dollarından, platinin yanvar fyuçersləri də 4,8 faiz ucuzlaşaraq 856,1 ABŞ dollarından satılıb.

Bununla yanaşı, 10 illik dövlət istiqrazlarının gəlirliyi cümə günü 0,821 faizə qarşı 0,951 faizədək, dünyanın 6 başlıca valyutasına qarşı ABŞ dollarının məzənnəsini əks etdirən “İCE Dollar” indeksi də ötən günə nisbətən 0,66 faiz artıb/Report.