XƏBƏR LENTİ

22 Yanvar 2021
21 Yanvar 2021

Digər Xəbərlər

09 Dekabr 2020 - 14:44

“Goldman Sachs”:"2021-ci ilin sonuna neftin qiymətinin 65 dollara çatacağını gözləyirik"

“Goldman Sachs” investisiya bankının xammal bazarları üzrə baş analitiki Cefri Kürri bildirib ki, ABŞ dollarının zəifləməsi və alternativ enerjiyə keçid prosesləri bazarda neftə olan tələbatı artıracaq.

APA-Economics”in məlumatına görə, “Financial Times”ın canlı yayımında çıxış edən analitik bildirib ki, “yaşıl” enerji infrastruktur layihələrinin icrası üçün əsasən neft istifadə olunacaq və beləliklə, neftə olan tələbat bazarda stabil tempdə artacaq.

Kürri qeyd edib ki, 2021-ci ilin sonuna “Goldman Sachs” neftin bir barelinin qiymətinin 65 ABŞ dolları təşkil edəcəyini proqnozlaşdırır. Bundan əlavə, bank bazarda tələbatın bərpa olunacağını gözləyir və 2022-ci ildə neftə olan qlobal tələbatın gündəlik 102,5 mln. barelə çatacağını güman edir.

Bundan başqa, analitik vurğulayıb ki, tədricən kütləvi istifadəyə verilən COVID-19-a qarşı peyvənd bu prosesdə katalizator rolu oynayacaq və gözlənilən nəticələri daha da yaxşılaşdıra bilər.