XƏBƏR LENTİ

28 Yanvar 2021
27 Yanvar 2021

Digər Xəbərlər

10 Dekabr 2020 - 23:08

“Rystad Energy”:"2050-ci ilədək tələbatı ödəmək üçün daha çox neftə ehtiyac var"

Qarşıdakı 30 ildə qlobal tələbatı ödəmək üçün hazırda hasil olunan ehtiyatlardan əlavə 313 milyard barreldən çox neftə ehtiyac var.

Bu barədə mərkəzi ofisi Osloda yerləşən “Rystad Energy” şirkəti məlumat yayıb. Bildirilir ki, bu tələbatı ödəmək üçün 2050-ci ilədək kəşfiyyat proqramlarının inkişaf etdirilməsi ilə 139 milyard barrel yeni karbohidrogen mənbəyinin aşkarlanması lazımdır. Bu, son onillikdəki kimi azalan kəşfiyyat fəaliyyətlərinin davam edəcəyi təqdirdə, qeyri-mümkün görünür. Nəzəri olaraq, 2021-2050-ci illər arasında inkişaf etməmiş ümumi tədarük 248 milyard barrelə çatacaq. Bununla yanaşı, “Rystad Energy” mövcud vəziyyətə əsaslanaraq təxminən 74 milyard barrel neft hasilatı ehtimalının olmadığını və yeni kəşflərə ehtiyac duyulacağını qeyd edib.

Hazırkı layihələrin 2021-2050-ci illər arasında 378 milyard barrel karbohidrogen tədarükünə töhfə verəcəyi proqnozlaşdırılır. Gələcəkdəki kəşfiyyat işləri sənayenin normalarına uyarsa, bərpaolunan mənbələr təxminən 5 faiz və ya 18 milyard barrel artıracaq. Hazırda kəşf olunmayan ərazilərdə gələcəkdə kəşfiyyat qazma işləri nəticəsində aşkar ediləcək təxminən 121 milyard barrel yeni tədarük mənbəyi var.

1990-cı ildən 2020-ci ilə qədər olan dövrdə təxminən 617 milyard barrel karbohidrogen aşkarlanıb və kəşf edilən bu həcmlərin təxminən 25 faizi 2020-ci ilə qədər istehsal edilib. Bu, kəşfiyyat işlərini qarşıdakı 30 il ərzində tələb olunan 121 milyard barrel karbohidrogenin kompensasiya etmək üçün 2050-ci ilə qədər təxminən 484 milyard barrel yeni mənbənin aşkarlanmasının lazım olduğunu göstərir. Ənənəvi kəşfiyyat qazma işləri ilə qlobal tələbatı ödəmək üçün 2050-ci ilədək 330 milyard barrel civarında neft çıxarmaq lazımdır.

Şirkət qlobal kəşfiyyat müvəffəqiyyət nisbətinin kəskin şəkildə azaldığını, 2010-cu ildəki təxminən 72 faizdən 2020-ci ildə 17 faizə düşdüyünü açıqlayıb. 2050-ci ilə qədər ortalama 15 və ya 20 faiz arasında müvəffəqiyyət nisbəti gözlənilir. Hər il təxminən 500 quyunun və ya 15 faiz müvəffəqiyyət nisbəti ilə 650 quyunun qazılması lazımdır. Dərin dəniz qazma işləri gələcəkdə yeni kəşflər baxımından üstünlük təşkil edəcək. Kəşfiyyat qazma işlərinin illik xərcləri 25 və ya 33 milyard dollar arasında dəyişəcək ki, bu da quyu xərclərini təxminən 50 milyon dollara çatdıracaq(azərtac).