XƏBƏR LENTİ

04 Avqust 2020

Digər Xəbərlər

10 İyul 2015 - 12:36

Elman Rüstəmov bank rəhbərlərini bir yerə yığdı – faizlər azaldılacaq
Mərkəzi Bankın sədri Elman Rüstəmov bank rəhbərləri ilə görüşüb.
Mərkəzi Bankdan verilən məlumata görə, görüşdə bank sektorunun bir sıra aktual məsələləri, o cümlədən maliyyə xidmətlərinə çıxış, faiz dərəcələri və məsuliyyətli kreditləşmə ətraflı müzakirə olunub.
Mərkəzi Bank bankların kreditləşdirmə, xüsusilə fiziki şəxslərin kreditləşdirilməsi ilə əlaqədar sosial məsuliyyətinin gücləndirilməsi, kredit siyasətlərinin ölkənin iqtisadi inkişaf prioritetlərini və hədəflərini nəzərə almasının daim diqqətlərinə çatdırılmasına baxmayaraq, kredit faizləri və onunla əlaqəli digər xidmət haqlarının azaldılması templərinin qaneedici olmaması ilə bağlı mövqeyini banklara bildirmiş, hər istiqamət üzrə konkret tapşırıqlarını verib. Bildirili ki, banklar qeyd olunan istiqamətlərdə bütün imkanlardan və resurslardan istifadə etməlidir. O cümlədən, istehlak kreditləşməsi zamanı komisyon haqlarının 1%-lə məhdudlaşmasının kreditlər üzrə real effektiv faiz dərəcəsini əhəmiyyətli azaldacağı diqqətə çatdırılıb.
Banklar bu mövqe və tapşırıqları anlaşıqlı qarşılamış, konstruktiv mövqe nümayiş etdiriblət. Bu istiqamətdə verilən tapşırıqlar da nəzərə alınmaqla banklar kompleks işlərin görüləcəyini qeyd ediblər.
Görüşdə bankların resurslarının dəyərinin ucuzlaşdırılması, risklərin azaldılması, xərclərin optimallaşdırılması və onların faiz dərəcələrinə təsiri kimi məsələlər təhlil edilib. Bu istiqamətdə Mərkəzi Bank tərəfindən görülmüş işlər, o cümlədən planlaşdırılan əlavə tədbirlər barədə banklar məlumatlandırılıb.
Mərkəzi Bankdan daxil olan məlumata görə, kredit faizlərinin azaldılması istiqamətində banklarla birgə iş davam etdiriləcək.