XƏBƏR LENTİ

01 İyun 2020
31 May 2020

Digər Xəbərlər

29 Avqust 2016 - 11:28

“InvestAZ”-dan dünya maliyyə bazarları ilə bağlıhəftəlik analiz

oil

InvestAZ İnvestisiya şirkətinin analitikləri bu həftə üzrə dünya maliyyə bazarlarında son vəziyyət və qısa müddət ərzində gözlənilənlərlə bağlı məlumat verib.

EUR

Dünya maliyyə bazarlarında FED-in faiz artımı gözləntilərinin yenidən artması dolların bahalaşmasına təsir etməklə, EUR/USD cütlüyünə də təzyiq olur. Artıq keçən həftə 1.11$-a kimi ucuzlaşan qiymət əlavə olaraq 1.10$-a kimi də ucuzlaşa bilər. Lakin InvestAZ analitikləri uzun müddətli perspektivdə qiymətin yenidən 1.14$-a kimi bahalaşa biləcəyini proqnozlaşdırır.

GBP

Böyük Britaniya funt sterlinqi avqust ayının ortalarından etibarən iqtisadiyyatı ilə bağlı açıqlanan müsbət statistik göstəricilər fonunda bahalaşmağa başlamışdır. Artıq 1.32$-a kimi bahalaşan GBP/USD cütlüyü üzrə qiymət keçən həftədən etibarən dünya birjalarında dollara müvəqqəti marağın artması ilə yenidən 1.31$-a kimi ucuzlaşıb. Lakin ucuzlaşma funtu almaq istəyən investorlar üçün daha əlverişli imkanlar yaradır və uzun müddətli perspektivdə qiymətin yenidən 1.35 və 1.37$-a kimi dəyər qazana biləcəyi gözlənilir.

TRY

ABŞ dollarının türk lirəsinə nisbətən (USD/TRY-nin) qiyməti isə bahalaşmağa başlayıb. Cümə günü Amerikada baş tutan Djekson Xoul simpoziumu fonunda isə dünya birjalarında dollar qiymətinin bahalaşması daha da sürətlənib. Lakin InvestAZ analitikləri bahalaşmanı 2.98 TL-ə kimi davam etməsi ilə yanaşı, müvəqqəti xarakter daşıdığını da ehtimal edirlər.

OIL

Enerji bazarlarında Avropanın “Brent” markalı neftinin bir barel qiyməti 51$-a kimi bahalaşdıqdan sonra 50$-a kimi qismən korreksiya edib. Ümumiyyətlə 53$ səviyyəsi son 9 ayın maksimum səviyyəsi sayıldığından önəmlidir. Bu səbəblə, “Brent”in qiyməti 53$-ın üzərində möhkəmlənməkdə bir müddət çətinlik çəkə bilər.

GOLD

İyul ayının ortalarında unsiyası 1375$-a (44.1$/qram) ticarət olunan qızılın bir unsiya qiyməti avqust ayında artıq 1317$-a (42.2$/qram) düşüb. Qızıl qiymətlərinin texniki mənzərəsi təhlil edilərkən qiymətlərin əlavə olaraq, 1310$ (42.0$/qram) və 1302$-a (41.7$/qram) kimi ucuzlaşa biləcəyi görünür.

İnvestisiya ilə bağlı suallarınızı *1234 telefon nömrəsi və www.investaz.azveb saytı vasitəsilə bizə ünvanlaya bilərsiniz.

“İnvest-AZ İnvestisiya Şirkəti” QSC-nin

Analitika Departamenti                                                                                                    

“İnvest-AZ İnvestisiya Şirkəti” QSC Azərbaycan Respublikasının İqtisadiyyat və Sənaye Nazirliyinin 09.01.2016-cı il tarixli 087986 saylı lisenziyası əsasında broker, anderraytinq (diler), marja ticarəti (forex), fərdi investorların portfelinin idarə edilməsi, market meykerlik və sair investisiya xidmətləri üzrə fəaliyyət göstərməkdədir.

Risk bildirişi.

Yuxarıda göstərilən məlumatlar tamamilə tövsiyə xarakterlidir. Bu fəaliyyət üzrə həyata keçirilən əməliyyatlar yüksək risk qrupuna daxildir və “İnvest-AZ İnvestisiya Şirkəti” QSC yuxarıda göstərilən məlumatlar əsas götürülməklə, həyata keçirilən investisiya əməliyyatları üzrə heç bir öhdəlik daşımır.