XƏBƏR LENTİ

10 Mart 2021

Digər Xəbərlər

26 Noyabr 2016 - 12:50

Beyləqanda ağır qəza:avtomobil kanala düşüb, sürücü ölüb

Beyləqan rayonunda ölümlə nəticələnən yol-nəqliyyat hadisəsi baş verib.

"Report" Daxili İşlər Nazirliyinin (DİN) mətbuat xidmətinə istinadən xəbər verir ki, noyabrın 25-də saat 19 radələrində rayonunun Dünyamalılar kəndi ərazisində baş verib. 

Belə ki, rayon sakini  Qurbani Sarıyev idarə etdiyi "VAZ-21154" markalı avtomobillə hərəkətdə olarkən idarəetməni itirib və avtomobili yolun kənarından keçən Qarabağ kanalına aşırıb. 

Nəticədə sürücü Q.Sarıyev hadisə yerində ölüb. Faktla bağlı Beyləqan Rayon Polis Şöbəsi tərəfindən araşdırma aparılır.