Gün ərzində Bakı şəhərində baş verən yol qəzalarının sayı artmaqdadır.

Bakı Şəhər Baş Polis İdarəsinin Dövlət Yol Polisi İdarəsinin İctimai qurumlarla əlaqə bölməsinin rəisi, polis polkovniki Vaqif Əsədovun Trend-ə verdiyi məlumata görə, paytaxt ərazisində daha 2 yol nəqliyyat hadisəsi baş verib ki, bu da gün ərzində baş verən qəzaların sayını 4-ə çatdırıb.

Onun sözlərinə görə, hadisə nəticəsində daha 3 nəfər xəsarət alıb. Ümumilikdə, günorta saatlarına qədər Bakıda 4 yol qəza hadisəsi baş verib ki, nəticədə 1 nəfər ölüb, 12 nəfər müxtəlif dərəcəli bədən xəsarətləri alıb. Yol qəzalarının baş verməsinə səbəb yol və meteroloji şəraitin sürücülər tərəfindən nəzərə alınmamasıdır.