XƏBƏR LENTİ

19 Sentyabr 2020
18 Sentyabr 2020

Digər Xəbərlər

26 İyul 2017 - 19:16

“Dostluq” parkındakı villara görə həbs edilən“JEK” müdüri azadlığa çıxdı

"Dostluq" parkının ərazisindəki torpaq sahələrinin qanunsuz olaraq alqı-satqısını həyata keçirməkdə təqsirləndirilən 7 saylı Mənzil Kommunal İstismar Sahəsinin (MKİS) sabiq rəisi Famil Quliyevin daha yüngül cəza növü ilə əvəz edilməsi barəsində ərizəsinə baxılıb.

Lent.az-ın məlumatına görə, Nizami rayon Məhkəməsində onun barəsində qərar elan edib. Hakimin qərarına əsasən F.Quliyev Məntəqə Tipli Cəza Çəkmə Müəssəsinə keçirilib. Müalicə Müəssisəsində saxlanılan F.Quliyev məhkəmə qərar qəbul edəndən sonra azadlığa buraxılıb.

Qeyd edək ki, "Dostluq" parkında qanunsuz tikilən villaların sökülməsi ilə cinayət işi başlanılıb və Bakı Şəhər Baş Polis İdarəsi (BŞBPİ) əməkdaşları 1972-ci il təvəllüdlü Hüseynov Tərlan Kərim oğlunu istintaqa cəlb ediblər. T.Hüseynov barəsində BŞBPİ-nin İstintaq İdarəsində Cinayət Məcəlləsinin 178.3.2 (dələduzluq, külli miqdarda ziyan vurmaqla törədildikdə) maddəsi ilə cinayət işi başlanılıb. Xətai rayon Məhkəməsinin qərarı ilə T.Hüseynov barəsində 3 ay müddətinə həbs qətimkan tədbiri seçilib.

Daha sonra 7 saylı Mənzil Kommunal İstismar Sahəsinin (MKİS) rəisi Quliyev Famil Əhməd oğlu və Səbail rayonu Bibiheybət bələdiyyəsinin baş memarı Etibar Məmmədov tutulub. Bir müddətdən sonra T.Hüseynovun barəsində seçilmiş həbs qətimkan tədbiri ev dustaqlığı ilə əvəzlənib. Məhkəmə prosesində T.Hüseynovun barəsində olan ev dustaqlığı ləğv edilərək, həbs qətimkan tədbirinə dəyişdirilib. O, məhkəmə zalında həbs edilib.

Bakı Ağır Cinayətlər Məhkəməsinin hökmü ilə E.Məmmədov 7 il 6 ay, F.Quliyev 7 il, T.Hüseynov 7 il 6 ay azadlıqdan məhrum edilib