XƏBƏR LENTİ

11 Dekabr 2019
10 Dekabr 2019

Digər Xəbərlər

30 Oktyabr 2017 - 23:50

Dələduzluqda təqsirləndirilən şirkət rəhbəri şikayət verdi –Məhkəmə iclası

Bakı Apellyasiya Məhkəməsində dələduzluqda təqsirləndirilən "İnşaat-E” MMC-nin direktoru Kənan Quliyevin apellyasiya şikayəti üzrə məhkəmə iclası başlayıb.

Hakim Namiq Məmmədovun sədrlik etdiyi iclasda anket məlumatları dəqiqləşdirilib. Məhkəmənin baxış iclası noyabrın 13-nə təyin edilib.

Qeyd edək ki,Bakı Ağır Cinayətlər Məhkəməsinin hökmü ilə Kənan Quliyev 10 il azadlıqdan məhrum edilib.

İttihama görə, Kənan Quliyev zərərçəkmiş şəxslər – Şahin Mahmudov, Əbülfəz Abbasov və digər şəxslərlə armatur ticarəti adı ilə ümumilikdə 1 milyon 800 min manatdan çox dələduzluq edib.

Kənan Quliyev bir qrup şəxslə əlbir olaraq, əvvəllər də dələduzluqda ittiham olunub. Bundan əvvəl ona Bakı Ağır Cinayətlər Məhkəməsinin hökmü ilə 2 il sınaq müddəti təyin edilməklə, şərti cəza verilib/APA.