XƏBƏR LENTİ

25 Noyabr 2020
24 Noyabr 2020

Digər Xəbərlər

03 Dekabr 2017 - 12:45

Meşədə qanunsuz ağac kəsənlər gözətçiyə ağır xəsarətlər yetirdilər –Açıqlama

Dekabrın 2-də axşam saatlarında Cəlilabad Meşə Mühafizəsi və Bərpası Müəssisəsinin Cəlilabad meşəbəyliyinin 4 saylı dolayının meşə gözətçisi Əfqan Abıyev meşə ərazisində qanunsuz olaraq ağac kəsən bir qrup şəxs  tərəfindən döyülüb və ona ağır bədən xəsarətləri yetirilib.

Strateq.az Ekologiya və Təbii Sərvətlər Nazirliyinə istinadən xəbər verir ki, meşə gözətçisi Ə.Abiyev mühafizə etdiyi meşə sahəsində bir neçə şəxsi ağac kəsərkən yaxalayıb, onlara meşədən qanunsuz ağac kəsdiklərini və buna görə məsuliyyət daşıdıqlarını izah edib, barələrində qanunamüvafiq tədbir görmək istəyən zaman qanun pozucuları meşə gözətçisinin qanuni tələblərinə məhəl qoymayıb, əksinə onu təhqir edib və fiziki təzyiqlər göstərməklə ağır bədən xəsarətləri yetirərək hadisə yerindən qaçıblar:

"Ağır bədən xəsarətləri alan meşə gözətçisi xəstəxanaya yerləşdirilib. İlkin müayinə zamanı qabırğasının çatladığı, bədəninin bir neçə yerində əzilmələr olduğu müəyyən edilib.  Hazırda o, xəstəxanada həkim nəzarəti altında müalicə olunur. Faktla bağlı rayon polis şəbəsinə məlumat verilib və müəyən edilib ki, meşə gözətçisinə xidməti vəzifəsini icra edərkən ağır bədən xəsarətləri yetirənlər rayonun Musalı kənd sakinləri  Cavid İsfəndiyar oğlu Muradov, Şəmu Yavər oğlu Muradov, Şəhram Abasəli oğlu Həsənovdur.    

Qeyd edək ki, Nazirliyin əməkdaşlarına qarşı bu cür insidentlər dəfələrlə baş verib, meşələrin mühafizəsi zamanı meşə işçiləri ayrı-ayrı şəxslərin ciddi müqavimətləri, fiziki təzyiqləri ilə üzləşib".

Nazirliyin məlumatında bildirib ki, meşələrə qanunsuz müdaxilələrin qarşısı meşə işçilərinin həyatı bahasına alınır, xeyli sayda təbiət mühafizəçisi fiziki təzyiqlərə məruz qalaraq yaşıllıqların, ətraf mühitin qorunmasında fədakarlıq göstərir.