XƏBƏR LENTİ

23 Yanvar 2021
22 Yanvar 2021

Digər Xəbərlər

31 Avqust 2018 - 14:16

Gürcüstanda həbsdə saxlanılan Azərbaycan vətəndaşlarının sayı açıqlandı –Nazirlik

 

Gürcüstanda həbs cəzası çəkən Azərbaycan vətəndaşların sayı 89 nəfərdir.

“Report”un Gürcüstan bürosu xəbər verir ki, bu barədə ölkənin Ədliyyə Nazirliyinin bu ilin iyun ayı üzrə hesabatında məlumat verilib. Qonşu ölkənin cəzaçəkmə müəssisələrində saxlanılan Azərbaycan vətəndaşlarının 24-ü təqsirləndirilən şəxs, 65-i isə məhkumdur. Təqsirləndirilənlərin 22-si kişi, 2-si qadın, məhkumların isə 61-i kişi, 4-ü qadındır.

Gürcüstanda həbs cəzası çəkən əcnəbilərin 16,1%-ni Azərbaycan vətəndaşları təşkil edir. Qonşu ölkənin həbsxanalarında 45 ölkənin, ümumilikdə, 554 vətəndaşı saxlanılır. Onların arasında Türkiyə vətəndaşları 134 nəfər olmaqla birinci yerdədir.

Gürcüstanın həbsxanalarında 63 Rusiya, 80 İran və 27 Ermənistan vətəndaşı cəza çəkir.