XƏBƏR LENTİ

10 Mart 2021

Digər Xəbərlər

31 Dekabr 2018 - 11:18

Rusiyada yaşayış binasında partlayış baş verib –İki nəfər ölüb, sakinlər təcili təxliyə edilib

Dekabrın 31-də yerli vaxtla saat 04 radələrində Rusiyanın Maqnitoqorsk şəhərində yaşayış binasında qaz sızması nəticəsində partlayış baş verib.

AZƏRTAC TASS agentliyinə istinadla xəbər verir ki, Rusiyanın Fövqəladə Hallar Nazirliyi partlayış və onun təsirindən binanın giriş hissəsinin uçması nəticəsində 2 nəfərin həlak olduğunu açıqlayıb. Dağıntılar altından 10 nəfərin, o cümlədən bir azyaşlının çıxarıldığı bildirilib. Qırx səkkiz mənzilli onmərtəbəli binada yaşayan 110 sakindən 16-sı təxliyə edilib.

Rusiya Fövqəladə Hallar Nazirliyinin 350-dək əməkdaşı və 26 texnikası hadisə yerinə cəlb olunub. Ərazidə, həmçinin təcili tibbi yardım briqadaları fasiləsiz fəaliyyət göstərirlər.

Prezident Vladimir Putin hadisə barədə dərhal məlumatlandırılıb. Dövlət başçısının tapşırığı ilə fövqəladə hallar naziri Yevgeni Ziniçev dərhal hadisə yerinə gəlib.