XƏBƏR LENTİ

01 İyun 2020

Digər Xəbərlər

29 Avqust 2019 - 16:23

“Bu fakt təbii ki, məsuliyyətimizi azaltmır” –Dövlət xidmətindən Lənkərandakı qəza ilə bağlı açıqlama

Dövlət Avtomobil Nəqliyyatı Xidməti (DANX) Lənkəranda baş vermiş qəza ilə bağlı açıqlama yayıb.

Starteq.az xəbər verir ki, bu barədə DANX-ın Mətbuat katibi Nuridə Allahyarovanın açıqlamasına görə, dünən saat 18:40-da Lənkəran Şəhər Bəliton kənd sakini Ağayev Ələmdar Şavəli oğlunun idarə etdiyi PAZ markalı 43-BA-455 dövlət nömrə nişanlı avtobusun yoxuşu qalxarkən, avtomaşında yaranmış texniki nasazlıq səbəbindən idarəetmə itirilib və nəticədə ağır qəza baş verib:

“Bildirmək istəyirik ki, həmin avtonəqliyyat vasitəsi üçün mərhum Ələmdar Ağayev Dövlət Avtomobil Nəqliyyatı Xidmətindən fərqlənmə nişanı almadan sifariş əsasında qanunsuz fəaliyyət göstərib. Bu fakt təbii ki, məsuliyyətimizi azaltmır və bu cür halların təkrarlanmaması üçün dəfələrlə etdiyimiz müraciəti təkrarlamalı olacam. Sərnişinlərimizdən rica edirik ki, öz həyatlarını riskə atmasınlar.

Dəfələrlə istismar üçün əldə etdiyi avtobusla xidmət göstərmək üçün müraciət edib və qurumumuzdan imtina cavabı alarkən “mən avtomobilimlə sahibkarlıq etmək istəyirəm, bu, mənim haqqımdır” deyən sürücülərə də müraciət edərək bildirirəm ki, ictimai nəqliyyat vasitələri ilə sərnişindaşıma fəaliyyəti sıradan sahibkarlıq fəaliyyətinə bənzəmir. Siz məhsul yox, vətəndaşa istifadəsi zəruri xidməti təqdim edirsiniz. Bu da sahibkarlığın bir növüdür, sözsüz ki. Ancaq mövzu insan həyatıdırsa, risk faktorları yüksəkdirsə, təklif sıxlığa-təlabata-xidmətin keyfiyyətinə uyğun nəzərə alınmalıdır”.