XƏBƏR LENTİ

15 Avqust 2020
14 Avqust 2020

Digər Xəbərlər

02 İyul 2020 - 11:11

Gəncədə epidemiya qaydalarını pozan şəxs barəsində cinayət işi başlanıb –Məhkəmə prosesi

Gəncədə xüsusi karantin rejimi qaydalarını pozan şəxs barəsində cinayət işi başlanıb.

Məlumata görə, Gəncə şəhəri, Nizami rayonunda Ramil Məhərrəmov epidemiya qaydalarını pozub.

Polis tərəfindən saxlanılan R. Məhərrəmov barəsində Cinayət Məcəlləsinin 139-1.1-ci (Epidemiya əleyhinə rejimin, sanitariya-gigiyena və ya karantin rejimlərinin pozulması xəstəliklərin yayılmasına səbəb olduqda və ya xəstəliklərin yayılması üçün real təhlükə yaratdıqda) maddəsi ilə cinayət işi başlanıb.

Onun barəsində aparılan ibtidai istintaq başa çataraq Gəncə şəhər Nizami rayon Məhkəməsinə göndərilib.

İş üzrə iki nəfər də zərərçəkən şəxs qismində tanınıb.

Cinayət işi hakim Roman Ələkbərlinin icraatına verilib. Məhkəmənin hazırlıq iclası iyulun 15-ə təyin edilib/APA.