XƏBƏR LENTİ

15 Yanvar 2021

Digər Xəbərlər

11 May 2016 - 12:31

Gömrükdə daha bir əməliyyat –Qaçaqmalçı saxlanıldı

bilasuvar_gomruk_mentegesi_070815

Biləsuvar Gömrük İdarəsinin Gömrük hüquqpozmalarına qarşı mübarizə şöbəsinə daxil olmuş məlumat əsasında xeyli miqdarda siqaret və mobil telefonlar aşkar olunub.

Strateq.az Dövlət Gömrük Komitəsində istinadən xəbər verir ki, "Qoşa Təpə" gömrük postunda Naxçıvandan İran ərazisindən tranzit keçməklə Azərbaycana gələn Azərbaycan vətəndaşının idarə etdiyi yük avtomobili əsaslı şəkildə yoxlanılıb.

Yoxlama başlamazdan əvvəl vətəndaş idarə etdiyi nəqliyyat vasitəsində gömrük nəzarətindən gizlədilmiş və gömrük nəzarətinə mütləq bəyan olunası predmetin olub-olmadığı barədə sorğu-sual edilib. O isə cavabında idarə etdiyi avtomobildə gömrük nəzarətindən gizlədilmiş və mütləq bəyan ediləsi predmetin olmadığını bildirib. Lakin yoxlama zamanı həmin avtomobilin kabinəsində arxa yataq yerinin üzərindəki döşəyin altından 20 min ədəd “MM” adlı siqaret, eləcə də 63 ədəd müxtəlif markalı mobil telefonlar aşkar edilərək götürülüb.

Faktla bağlı araşdırma aparılır.