XƏBƏR LENTİ

20 Yanvar 2021
19 Yanvar 2021

Digər Xəbərlər

16 May 2016 - 18:53

“Sınıq Körpü” gömrük postunda 1 nəfər saxlandı,4 nəfər haqda isə araşdırma gedir

gomruk-2

Bu ilin mart və may aylarında Tovuz Gömrük İdarəsinin "Sınıq Körpü" gömrük postunda gömrük vergi və rüsumlarını ödəməkdən imtina edərək asayişi pozmağa cəhd göstərən şəxslərdən biri həbs olunub, dörd nəfər haqqında isə Qazax rayon polis şöbəsində araşdırma aparılır. 

Strateq.az xəbər verir ki, bu məlumatı Dövlət Gömrük Komitəsinin mətbuat xidməti yayıb.

Məlumatda xatırladılır ki, bu ilin mart ayının 25-i və may ayının 13-də kommersiya məqsədilə mütəmadi olaraq Gürcüstana səyahət edən həmsərhəd  rayonların bir qrup sakini  Tovuz Gömrük İdarəsinin "Sınıq Körpü” gömrük postunda  özləri ilə gətirdikləri şəxsi istehlak miqdarından artıq məhsullar üçün qanunvericiliklə müəyyən olunan gömrük vergi və rüsumlarını ödəməkdən imtina edib, gömrükçülər tərəfindən onlara dəfələrlə qanunvericiliyin tələbləri izah olunsa da  həmin şəxslər özləri ilə gətirdikləri məhsulları dövlət büdcəsinə çatacaq olan ödəmələri həyata keçirmədən gömrük sərhədindən keçirməyə çalışıblar. Üstəlik həmin şəxslər vəzifə borcunu yerinə yetirərək onların bu hərəkətinin qarşısını almaq istəyən gömrükçüləri nalayiq ifadələrlə təhqir edib, gömrükçülərdən birinə xəsarət yetiriblər.

Hər iki hadisə zamanı Tovuz Gömrük İdarəsinin rəhbərliyi asayişin bərpa olunması üçün ərazidəki polis şöbəsinə müraciət edib. Hüquq-mühafizə orqanlarının həyata keçirdiyi tədbirlərdən sonra gömrük postunun ərazisində asayiş tam bərpa olunub asayişi pozmaq istəyən şəxslər isə saxlanılaraq onlar haqqında araşdırma aparılıb.

Qazax rayon polis şöbəsində aparılan ilkin araşdırmadan sonra  martın 25-də  gömrük əməkdaşına xəsarət yetirməkdə şübhəli bilinən Məmmədov Elvin Mansur oğlunun barəsində Cinayət Məcəlləsinin 221.2.1 maddəsinə əsasən həbs qəti imkan tədbiri seçilib.

Mayın 13-də asayişi pozmaqda şübhəli bilinən Qazax rayon sakinləri Əliyev Abdurrəhman Orucəli oğlu, Məmmədov Göyüş Nazim oğlu, Əsgərov Ələsgər Alyoşa oğlu və Nəbizadə Elgün İlyas oğlu barəsində isə Cinayət Məcəlləsinin 510 (xuliqanlıq) və 535.1 (polis əməkdaşının və hərbi qulluqçunun qanuni tələbinə qəsdən tabe olmama) maddələri ilə inzibati tənbeh tədbiri görülür.