XƏBƏR LENTİ

07 İyun 2020
06 İyun 2020
05 İyun 2020

Digər Xəbərlər

03 Avqust 2016 - 17:56

Astara və Balakən gömrüyündə “Tramadol”və marixuana aşkarlandı

Gömrükçülər Astara və Balakən gömrüyündə “Tramadol” və marixuana aşkar ediblər.

Dövlət Gömrük Komitəsindən (DGK) verilən məlumata görə, Astara Gömrük İdarəsinin gömrük hüquqpozmalarına qarşı mübarizə şöbəsinə daxil olmuş əməliyyat məlumatına əsasən, İrandan Azərbaycana piyada yolla gələn Azərbaycan vətəndaşı saxlanılıb və üzərində şəxsi yoxlama aparılıb.

Yoxlama zamanı vətəndaşa məxsus əl yüklərinin içərisində 600 ədəd həb şəklində “Tramadol” adlı güclü təsir edən maddə aşkar olunub.

Balakən Gömrük İdarəsinin “Mazımçay” gömrük postunun piyada xəttinə isə Gürcüstana getmək üçün daxil olan Azərbaycan vətəndaşına məxsus siqaret qutusundan bir ədəd bükümdə, 2 qram narkotik vasitə olan – marixuana aşkar olunaraq götürülüb.

Hər iki faktla bağlı araşdırma aparılır.