XƏBƏR LENTİ

12 Avqust 2020
11 Avqust 2020

Digər Xəbərlər

24 İyul 2015 - 12:12

“Dedilər ki, indi səni “baqajnik”ə salıb, apararıq” – Gəncədə müdhiş olay

“Gəncəbank”ın Müşahidə Şurasının sədri Pərvanə Novruzova ilə məhkəmədə çəkişən Natalya Kərimovanın qızının oğurlanmasına cəhd olub.
Strateq.az xəbər verir ki, bu haqda “Yeni Müsavat”a N.Kərimovanın qızı Rüxsarə Kərimovanın özü məlumat verib.
R.Kərimova deyib ki, artıq olay haqda polisə məlumat verib:
“Goranboyda yer icarəyə götürüb işləyirəm. İş yerim 2-ci mərtəbədə yerləşir. Bu gün səhər iş yerimə 5 nəfər gəldi. Onlardan biri qadın idi. Onlardan 4-nü tanımıram, əvvəllər görməmişdim. Anamla bağlı suallar verməyə başladılar. Yerini soruşdular. Anamın harada olması ilə maraqlandılar. Dedilər ki, sənin ananın, bacının başına bu qədər oyun gəlib, indi bu nədir, yenidən başlamısız? Anan niyə gözəllik salonunu tələb edir? Ağlınıza gəlmir, başa düşmürsüz ki, nə istəyirsiz? Dedilər ki, indi səni buradan götürüb “baqajnik”ə salarıq, apararıq. Ananın ağlı başına gələr. çox qorxdum, qışqırmağa başladım. 1-ci mərtəbədə olan işçilər səsimi eşidib polis çağırıblar. Polislər gəlincə onlar qaçdılar”.
R.Kərimova deyib ki, iş yerinə soxulan şəxslərdən birini tanıyıb: “Həmin şəxs “Gəncəbank”da işləyir. Polisə də bunu dedim. Bura gəldikləri maşının nömrəsini polisə verdik. Polis müəyyən etdi ki, maşın “Gəncəbank”ındır”.
Məsələ ilə bağlı “Gəncəbank”la əlaqə saxladıq. Lakin zənglərimiz cavabsız qaldı.
Yada salaq ki, Natalya Kərimovanın prezident İlham Əliyevə, Heydər Əliyev Fondunun rəhbəri Mehriban Əliyevaya, Rusiyanın Azərbaycandakı səfirinə, hüquq mühafizə orqanlarının rəhbərlərinə ünvanladığı məktubu dərc etmişdik. Məktub müəllifi “Gəncəbank”ın Müşahidə Şurasının sədri Pərvanə Novruzovanın onun biznesini, mülklərini zorakılıqla ələ keçirdiyini bildirir, səlahiyyət sahiblərindən imdad diləyirdi. N.Kərimova demişdi ki, P.Novruzovanın göstərişi ilə onu və qızını oğurlayaraq Gəncə ətrafında bir əraziyə aparıb zirzəmiyə salıblar. Orada qızının zorlanması təhdidi ilə əmlaklarından imtina etməsinə nail olublar, ölkədən çıxarıblar. Aradan illər ötəndən sonra N.Kərimova ölkəyə qayıdıb və məhkəmələrə üz tutub. Məlum olub ki, N.Kərimova ölkədən çıxarılandan sonra P.Novruzova məhkəməyə müraciət edərək onun əmlaklarının adına keçirilməsinə nail olub. Lakin N.Kərimovanın vəkili Ceyhun Yusifovun məhkəmələrə müraciətindən sonra P.Novruzovanın iddiası əsasında çıxarılan qiyabi qətnamə ləğv olunub. Bundan sonra əmlaklar avtomatik olaraq N.Kərimovaya qaytarılmalı olsa da, bu baş verməyib. P.Novruzova N.Kərimovanın əmlaklarını qaytarmaq istəmir.