XƏBƏR LENTİ

18 Sentyabr 2020
17 Sentyabr 2020

Digər Xəbərlər

20 Dekabr 2016 - 16:00

“Stratfor” da rus səfirin qətlinə rəyini açıqladı:“Rusiya-Türkiyə münasibətləri qırılmağa qədər getməyəcək” 

pe

“Rusiya səfiri Andrey Karlovun Ankarada öldürülməsindən sonra Rusiya-Türkiyə münasibətlərinin güclü şəkildə korlanacağını güman etmirik”.

Strateq.az ABŞ-ın "Stratfor" özəl kəşfiyyat mərkəzinə istinadən bildirir ki, mərkəzin analitikləri bu cür düşünür.

Onların fikrincə, səfir Karlovun qatili üsyançıların Hələb şəhərindəki məğlubiyytindən sonra dilxor olub qəzəblənmiş Türkiyə vətəndaşlarından biridir. Ola bilsin, o, cihadçı qruplaşmaların birinə mənsubdur və Rusiya qoşunlarının Hələbdəki fəaliyyətinə görə qisas həyata keçirib.

"Stratfor" analitikləri istisna etmirlər ki, əvvəllər polis xüsusi təyinatlısında xidmət etmiş qatil, Fətulla Güləninn tərəfdarıdır. Səfir Karlovun qətli olduqca gərgin bir dövrdə həyata keçirilib. Rusiya və Türkiyə ancaq yaxınlarda  xeyirxah qonşuluq münasibətlərini bərpa edib.

Analitiklərin rəyincə, Rusiya səfirinin Ankarda bu cür qalmaqallı qətli Rusiya-Türkiyə münasibətlərini müəyyən dərəcədə kəskinləşdirəcək, lakin məsələ yenidən qırılmağa qədər getməyəcək.

"Stratfor" Rusiya-Türkiyə münasibətlərinin kəsilməycəyinin səbəbləri arasında bu fakta işarə edir ki, Suriyadakı vəziyyət üzrə Ankara ilə kəşfiyyat məlumatları mübadiləsi Moskvaya son dərəcə vacibdir. Öz növbəsində Türkiyə tərəfinə Rusiya ilə əməkdaşlıq etmək lazımdır, çünki türk qoşunları Suriya ərazisindədir və Moskva ilə istənilən qopma böyük risk yaradır.

Birgə iqtisadi layihələr də axırıncı sırada deyil – Su-24-lə bağlı insidentdən sonra iqtisadi təzyiqi Ankarada çox yaxşı hiss ediblər.

"Stratfor"un fikrincə, həm Moskva, həm də Ankara işgüzar münasibətləri saxlamaqda son dərəcə maraqlıdır. Dekabrın 20-də Moskvada Rusiya, İran və Türkiyə xarici işlər nazirlərinin Suriya üzrə görüşü planlaşdırılıb. Rusiya hökuməti təsdiq edib ki, istənilən halda görüş baş tutacaq.

Strateq.az




Yuxarı Əvvələ Ana Səhifə