XƏBƏR LENTİ

09 Avqust 2020
08 Avqust 2020

Digər Xəbərlər

07 Aprel 2015 - 21:26

Prezident və ailəsi “Əli məqamı”nda dua ediblər

Prezident İlham Əliyevin Səudiyyə Ərəbistanına səfəri çərçivəsində İslam aləminin ən müqəddəs məkanı sayılan Məkkə şəhərində yerləşən Kəbə evini ziyarət etməsi ilə bağlı məlumat vermişdik. İnteraz.-ın yazdığına görə, məlumatla birgə yayılan fotolar arasında ən diqqət çəkən məqamlardan biri də ölkə başçısının ailəsi ilə birlikdə “Əhli-Beyt” düşmənlərinin daima pərdələməyə çalışdığı “Rukn əl-Yəmani” məqamını ziyarət etməsi ilə bağlı olub.

“Rukn əl-Yəmani” məqamı müqəddəs Kəbə evinin dörd küncündən birində yerləşir. Bu məqam Fatimə bint Əsədin İmam Əli (ə)-ni dünyaya gətirmək üçün müqəddəs Kəbə evinə daxil olduğu yerdir. Mötəbər tarixi mənbələrdə qeyd edilib ki, Həzrət Əli (ə)-nin anası Fatimə bint Əsəd o həzrəti dünyaya gətirmək istədiyi ərəfədə Kəbə evinin ətrafına gəlib və sözügedən məqamdan ora daxil olub. Bir neçə müddətdən sonra isə dünyaya gətirdiyi İmam Əli (ə)-la birgə oradan çıxıb. Həmin məqam o vaxtdan etibarən bu cür çat vəziyyətində qalıb. Tarixən mənfur Əhli-Beyt düşmənləri, xüsusilə vəhhabilər həmin məqamı müxtəlif vasitələrlə örtərək aradan aparmaq istəmələrinə baxmayaraq, heç bir şeyə nail ola bilməyiblər. Belə ki, “Rukn əl-Yəmani” məqamının üzəri hər dəfə müxtəlif vasitələrlə örtülsə də (üzləmə) yenidən əvvəlki vəziyyətinə qayıdıb.

Hər il Həcc mərasimi ərəfəsində sünni və şiəliyindən asılı olmayaraq, bütün dünya müsəlmanları “Rukn əl-Yəmani” məqamın ziyarət edərək Həzrət Əli(ə)-yə öz sevgilərini və məhəbbətlərini izhar edirlər.