XƏBƏR LENTİ

04 Dekabr 2020
03 Dekabr 2020

Digər Xəbərlər

04 İyul 2018 - 00:03

ELMAR VƏLİYEVƏ SUİ-QƏSDLƏ BAĞLI, NƏHAYƏT Kİ, RƏSMİ AÇIQLAMA YAYILDI:"İcra başçısı və mühafizəçinin səhhəti qənaətbəxşdir"

2018-ci il iyulun 3-də, saat 20.30 radələrində Gəncə Şəhər İcra Hakimiyyətinin başçısı Elmar Vəliyev və onun mühafizəçisi Qasım Aşbazov İcra Hakimiyyətinin inzibati binasının qarşısında naməlum şəxsin odlu silahdan açdığı atəş nəticəsində müxtəlif dərəcəli bədən xəsarətləri alıb və xəstəxanaya yerləşdirilib”.

Strateq.az bildirir ki, bu barədə Respublika Baş Prokurorluğunun, Daxili İşlər Nazirliyi və Dövlət Təhlükəsizliyi Xidmətinin mətbuat xidmətlərinin birgə yaydığı rəcmi məlumatda qeyd olunub.

Bildirilib ki, cinayəti törətmiş 1983-cü ildə Gəncə şəhərində anadan olmuş Yunis Səfərov dərhal həmin ərazidə xidmət aparan polis əməkdaşları tərəfindən tutulub tərksilah edilib:

“Fakt üzrə Azərbaycan Respublikasının Baş Prokurorluğunda Cinayət Məcəlləsinin 29, 120.2.3-cü, 120.2.7-ci (zərərçəkmiş şəxsin xidməti vəzifəsini və ya ictimai borcunu yerinə yetirməsi ilə əlaqədar qəsdən adam öldürməyə cəhd) və  228-ci (qanunsuz olaraq odlu silah əldə etmə) maddələri ilə cinayət işi başlanılaraq prokurorluğun, Daxili İşlər Nazirliyinin və Dövlət Təhlükəsizliyi Xidmətinin təcrübəli əməkdaşlarından ibarət istintaq-əməliyyat qrupu yaradılıb.

Hazırda cinayətdən zərər çəkmiş Elmar Vəliyevin və Qasım Aşbazovun səhhəti qənaətbəxş olmaqla hər ikisi ixtisaslı tibbi yardımla əhatə olunub.

Cinayət işi üzrə istintaq hərəkətləri və əməliyyat-axtarış tədbirləri davam etdirilir. Nəticələri barədə əlavə məlumat veriləcək. Həyata keçirilən tədbirlər ölkə Prezidentinin şəxsi nəzarətindədir”.

STRATEQ.AZ xatırladır ki, İcra Hakimiyyətinin başçısına sui-qəsd hadisəsi iyulun 3-də, saat 20.30 radələrində baş versə də, rəsmi qurumlar yalnız 3 saatdan sonra açıqlama yayıblar. Bu arada isə həm sosial şəbəkələrdə, həm də saytlarda bir-birinə zidd xeyli informasiyalar yayılıb.




Yuxarı Əvvələ Ana Səhifə