XƏBƏR LENTİ

03 İyun 2020

Digər Xəbərlər

25 Oktyabr 2018 - 14:36

“XAŞUQCİ CİNAYƏTİ” İLƏ BAĞLI SENSASİON İDDİA:"Bu, trilyon dollarlıq anlaşma üçün keçirilən əməliyyatdır" - TƏHLİL

Ergün Diler

“Takvim”, Türkiyə, 24 oktyabr 2018-ci il

 

Camal Xaşuqci cinayəti modern 11 sentyabr ssenarisidir. 11 sentyabr 2001-ci ildə dünya yeni bir günə göz açmışdı. 2 oktyabr 2018-ci ildə də eyni şey oldu. Eyni metod, eyni ağıl hərəkətə keçdi.

Xatırlayın, 11 sentyabr hücumlarını etməkdə elan olunan 19 adamdan 15-nin Səudiyyə Ərəbistanı vətəndaşı olması təsadüf idimi? Əlbəttə, xeyr. Bu, trilyon dollarlıq əməliyyatın işarəsi idi. Çünki Səudiyyə Ərəbistanı ölkə neftinin yönünün ABŞ tərəfindən müəyyən edilməməsi üçün bəzi qərarlar almışdı. Əsas məsələ bu idi.

Hücumdan, təqribən, 6 ay sonra ABŞ Prezidenti Corc Buş o zaman vəliəhd-şahzadə olan Abdullah bin Əbdüləziz əl-Səudu Texasda qəbul etdi. Neftin sahibi neftə ev sahibliyi edən Texasa çağırıldı. Buş Abdullah bin Əbdüləziz əl-Səuda “Amerika istiqrazlarını almağınızı istəyirəm. 15 Səudiyyə vətəndaşının bu hücumu xalqımızı dərindən yaraladı. Həm də Səudiyyə neftinin 50%-nin satış hüququnu istəyirəm” dedi…

Təbii, bunlar unuduldu. 2002-ci ilin aprel ayındakı bu görüşdən sonra Səudiyyə Ərəbistanı 169 milyard dollarlıq ABŞ istiqrazı aldı, ardınca da 10 il içində 400 milyard dollarlıq silah alqısı haqda anlaşmaya imza atdı. ABŞ şirkətlərinin 10 ildə Səudiyyə neftindən əldə etdikləri qazanc isə 242 milyard dollara yaxın oldu.

11 sentyabr elə böyük silah idi ki, Obama da prezidentlik müddətinin başa çatmasına bir neçə ay qalmış hücumlara görə Səudiyyə Ərəbistanını günahlandırdı. 750 milyard dollar məsələsi danışılmağa başlandı. O, 750 milyard dollar Səudiyyə pulunun 11 sentyabr zərərçəkənləri arasında paylaşdırılacağını söylədi.

Onsuz da ABŞ qanunlarına görə, 11 sentyabrda zərər çəkənlərə  təzminat ödənmişdi. Səudiyyə Ərəbistanından gizlicə alınan təzminatın miqdarı da 2,9 milyard dollar idi. 11 sentyabrda həyatını itirənlərin 2871 yaxınına təzminat ödənildi. 750 milyard dollardan 2,9 milyard dollar çıxdıqda yerdə 747,1 milyard dollar qalırdı. Beləliklə, bu pul təzminat üçün deyildi, ABŞ xəzinəsinə qaldı.

11 sentyabr sonrası 169 milyard dollarlıq ABŞ istiqrazı və 400 milyard dollarlıq silah satışı (bu silahların böyük bir hissəsi ABŞ ordusunda istifadə müddəti başa çatmış silahlar idi) edildi. 242 milyard dollarlıq neft gəlirinin böyük bölümünə də əl qoyuldu. Yəni, pullar xəzinəyə qaldı.

2018-ci ildə yeni bir nizam qurulurkən, əlbəttə, Səudiyyə Ərəbistanı ABŞ üçün çox önəmli idi. 11 sentyabr dövründə vəliəhd-şahzadə olan Abdullah bin Əbdüləziz əl-Səudun yeni versiyası da vəliəhd-şahzadə Salman idi. Saraydaxili əməliyyatla vəliəhd elan edilən şahzadə Salman dövründə ABŞ-la 500 milyard dollarlıq yeni bir şəhər və NEOM ticarət bölgəsi kimi 19 layihə haqqında anlaşma imzalandı. 19 layihənin cəmi dəyərinin 3,2 trilyon dollar olduğunu da unutmamaq lazımdır. Ardınca sıra “Saudi Aramko”ya gəldi.

Salman “Saudi Aramko”nu da Vaşinqtona təslim etməyə məcbur edildi. Ardınca Rotşild ailəsi ilə də eyni anlaşmanı imzaladı.

İndi Vaşinqton da haqlı, Rotşild ailəsi də. Çünki ikisinin də əlində vəliəhd-şahzadə Salmanın imzası olan sənəd var.

Vaşinqtonla Rotşild ailəsi yarı-yarıya “Saudi Aramkon”un şərikləri ola bilərlərmi? Hazırda sənədlər onsuz da onu göstərir. Ancaq iki tərəf də “Saudi Aramko”nun tək sahibi olmaq istəyir.

ABŞ vəliəhd-şahzadə Salmanı təsirsiz və səlahiyyətsiz hala gətirmək üçün Camal Xaşuqci hadisəsini təşkil edib. Son dərəcə təcrübəsiz olan vəliəhd-şahzadə Salmana təminat verərək, bu hadisəni təşkil edən ABŞ hazırda əlini “Saudi Aramko”nun neft kranına qoymuş durumdadır. Ancaq tam səlahiyyət almaq üçün bir neçə əməliyyat da lazımdır.

Camal Xaşuqci hadisəsindən sonra ABŞ Xarici işlər naziri Pompeo Ərəbistana getdi. Ardınca ABŞ Maliyyə naziri Mnuçin də Ərəbistana keçdi. Trilyon dollarlıq anlaşmaların imzalanması üçün addımlar çox sürətlə atıldı.

Xaşuqci bu qədər dəyərli olduğunu bilirdimi? Düşünmürəm. Çünki 1 oktyabr günü Xaşuqcini dünyada tanıyanların sayı, bəlkə də, 10 min idi, bu gün isə onu bir neçə milyard insan tanıyır.

Xaşuqci əməliyyatında da 11 sentyabr hücumlarında olduğu kimi  17-18 şəxsin Səudiyyə Ərəbistanı vətəndaşı olması bu ssenarinin nə qədər bənzərliklə işlənib hazırlandığını sübut edir.

Şahzadə Türki bin Bəndər, Səud bin Saif əl-Nəsr Xalid bin Farhan kimi 20-yə yaxın şəxs Paris kimi şəhərlərdən qaçırılıb. Xaşuqci də bu formada qaçırıla bilərdi. Ancaq belə olsaydı, vəliəhd-şahzadə Salman çətin vəziyyətə düşməzdi. Ona görə də tarixin ən rüsvayçı əməliyyatı keçirildi və indi bunun qarşılığında ABŞ xəzinəsinə girəcək pulun hesabı  aparılır.

Ankara da bütün baş verənləri bilir və izləyir. Əlbəttə, həmləsi olacaq. Gözləyək, görək…

Tərcümə Strateq.az-ındır.