XƏBƏR LENTİ

10 Dekabr 2019
09 Dekabr 2019

Digər Xəbərlər

14 Noyabr 2019 - 09:36

“Miqrant alveri”nə görə 7 azərbaycanlı haqqında həbs qətimkan tədbiri seçildi –Almaniyada + SİYAHI

Ötən gün Almaniyanın 6 əyalətində 38-dən çox ev və iş yerlərinə basqın zamanı Azərbaycanın 7 vətəndaşı saxlanılıb.

Strateq.az “Report”a istinadla xəbər verir ki, Almaniyada qanunsuz miqrasiya işləri (“miqrant alveri”) ilə məşğul olmaqda şübhəli bilinən cinayətkar dəstənin saxlanılan üzvləri barəsində yerli federal məhkəmələr tərəfindən 6 ay müddətinə həbs qətimkan tədbiri seçilib.

Barələrində həbs qətimkan tədbiri seçilən şəxslər aşağıdakılardır:

1. Elçin Əkbərov – Ədliyyə Nazirliyi Penitensiar Xidmətinin 9 və 14 saylı məntəqə tipli cəzaçəkmə müəssisələrinin sabiq rəisi,

2. İlham Həsən – Müsavat Partiyası Avropa Koordinasiya Mərkəzinin (Müsavat AKM) sədri, Kəlbəcər rayonunun sabiq icra başçısı,

3. Mehdi Xəlilbəyli – Müsavat partiyasının üzvü, Müsavat AKM sədrinin müavini,

4. Abdin Cavadov – Müsavat AKM-in üzvü,

5. Əlövsət Əliyev – “Leqat” inteqrasiya mərkəzinin rəhbəri, sabiq polis rəisi, (Sabir Rüstəmxanlının qardaşı)

6. Rəşad Məmmədov – Mehdi Xəlilbəylinin sürücüsü,

7. Elşən Abdullayev – Müsavat Partiyasının üzvü

Qeyd edək ki, ötən gün Almaniyada polis “miqrant alveri” ilə məşğul olan azərbaycanlılardan ibarət dəstəyə qarşı əməliyyat təşkil edib.

Federal Kriminal polis ölkənin Nidersaksen, Şlezviq-Holşteyn, Bremen, Şimali Reyn Vestfaliya, Bradenburq və Reynland-Pfalts əyalətlərində 38-dən çox ev və iş yerlərinə basqın edib.

Obyektlərdə aparılan yoxlamalar zamanı çoxlu sayda xarici ölkə vətəndaşlarına aid pasportlar, viza çap edən xüsusi aparatlar, nağd pul və silah tapılaraq götürülüb.