XƏBƏR LENTİ

21 Fevral 2020

Digər Xəbərlər

06 Fevral 2020 - 11:10

Kommunist kürd qiyamçıları lobbiçiliklə Ağ Evə yol axtarır –SEPARATÇILAR TRAMPIN İRAN SİYASƏTİNDƏN FAYDALANMAQ İSTƏYİRLƏR

Aaron Şaffer

“Əl-Monitor”, 05.02.2020

 

İranlı kürd silahlı qrup Donald Tramp administrasiyası ilə əlaqə qurmaq üçün yeni bir lobbiçini işə götürüb.

İran Kürdüstanının Komala Partiyası, yeni açıqlanan lobbi sənədlərinə görə, dekabr ayında Vaşinqtondakı “Cogent Law Group” hüquq şirkəti ilə müqavilə bağlayıb və “ABŞ hökuməti ilə əməkdaşlıq əlaqələrini inkişaf etdirmək” niyyətini ona tapşırıb.

Firmaya “Birləşmiş Ştatlar hökumətinin yüksək səviyyəli bir rəsmisi ilə vahid yüksək səviyyəli görüş” və “ABŞ-da yeganə media reportajı” təşkil etmək üçün əvvəlcədən 40.000 dollar ödənilib.

“Cogent” Komalanın ABŞ nümayəndəsi Salah Bəyazidlə əlaqə saxlasa da, müqaviləni partiyanın baş katibi Abdullah Mohtədi imzalayıb.

Tramp administrasiyası İran siyasətini nizamladığı üçün solçu qrup üçün çətin bir vaxt gəlib çatıb.

“Bloomberg” xəbər verib ki, ötən ay Dövlət Departamenti ABŞ diplomatlarına İranla potensial diplomatiyaya təhlükə yaratmamaq üçün bəzi müxalif İran qrupları, o cümlədən Komala ilə əlaqələrini məhdudlaşdırmağı əmr edib.

Gündəlik “The Daily Beast” qəzeti yazıb ki, cəmi bir həftə sonra dövlət katibi Mayk Pompeo “quzğunlar”ın təzyiqi ilə bu əmri ləğv edib.

“Cogent”-in hüquqşünası Mustafa əl-Ərian yeganə qeydiyyatdan keçmiş xarici agentdir və qrupla işləməklə “ABŞ-da xeyriyyə fondunun yaradılması üçün məsləhət vermək” və “Vikipediya” səhifəsindəki məlumatları “inkişaf etdirmək” üçün ona 10.000 dollar ödənilməsi gözlənilir.

Hazırda “Vikipediya”da tərkibi 100 sözdən az olan məlumatda Komala kommunist partiyası olaraq səciyyələndirilir. Qrup bu rəyi təkzib edir (partiyanın adı “Komelei Şorrişgerri Zəhmətkeşani Kurdistani Eran” – “İran Kürdüstanının İnqilabçı İşçilər Cəmiyyəti” kimi tərcümə olunur və simvolu qırmızı ulduzdur), çünki ABŞ-ın “quzğunlar”ından dəstək istəyir və köməyin rədd ediləcəyindən ehtiyatlanır.

Partiya ilə bağlı istənilən əlavə iş firmanın adi tarifləri ilə ödənilir.

Əl-Ərian “əl-Monitor”a verdiyi açıqlamada bildirib: “İran Kürdüstanının Komala Partiyası prezident Donald Trampa və Tramp Administrasiyasına regional və beynəlxalq terror təhdidini meydana gətirən İran rejiminə qarşı davamlı təzyiq siyasətinə görə təşəkkür edir”.

Bu Komalanın ilk lobbi müqaviləsi deyil.

Qrupun ABŞ ofisi fevral ayında ABŞ rəsmilərini lobbi etmək üçün Ayal Frankın “AF International” şirkətini işə götürüb.

Frank keçən il bir neçə Konqres nümayəndəsinin işçiləri ilə görüşərək ABŞ-İran münasibətləri və İran-kürd məsələlərini müzakirə edib.

Frank və Bəyazidi sağçı düşüncə mərkəzləri, o cümlədən Demokratiyaların Müdafiə Fondu və Hudson İnstitutu, mart ayında David Sisillin, iyul ayında Don Bekonla görüşlər keçirəcəyini açıqlayıb.

Tərcümə: Strateq.az