XƏBƏR LENTİ

01 Noyabr 2020
31 Oktyabr 2020

Digər Xəbərlər

06 Mart 2016 - 11:08

Rusiya Xəzər sahilinə desant çıxarır:“Murena” gəmisinin hədəfində Azərbaycandır? –Təhlil

murenaa

 

Rusiyanın Xəzərdəki Hərbi Donanması Azərbaycana qarşı faktiki təcavüz hazırlıqlarına başlayıb.

Xəzər Hərbi Tədqiqatlar İnstitutu (Caspian Defense Studies İnstitute – CDSİ) bildirir ki, bu barədə rusiyalı jurnalist Andrey Şipilov eyni adlı saytında dərc etdiyi məqaləsində vurğulayıb. “Rusiya Xəzər ölkəsinə müdaxilə hazırlığına başladı” adlı məqaləsində Şipilov bildirir ki, söhbət Rusiya Müdafiə Nazirliyinin rəsmi telekanalı olan “Zvezda”nın bu yaxınlarda efirə verdiyi, amma diqqətdən kənarda qalan süjetindən gedir. Jurnalist bildirir ki, diqqət mərkəzində olan məsələ Rusiyanın Xəzərə “Murena” layihəli hava yastığı üzərindəki desant gəmisini buraxmaq təşəbbüsüdür. Süjetdə bildirilir ki, “bu, Xəzər regionunda həddən ziyadə zəruridir”.

“Zvezda” telekanalının süjetində bildirilir ki, Rusiya “Murena”nı gələn ildən Xəzərə buraxmaq planına malikdir. Amma müstəqil ekspertlərin fikrincə, bu hadisə daha tez baş verə bilər.

 

Murena” desant gəmisi nədir?

 

“Bu gəmi düşmənin sərhədyanı ərazilərinin zəbt olunması üçün nəzərdə tutulub və üzərində 140 desant qüvvəsi və bir tank və ya iki BTR apara bilər. Hava yastığındakı gəmi sərhədə yaxınlaşır və oradan canlı qüvvə çıxaraq döyüşə başlayır. Bununla yanaşı gəminin Hava Hücumundan Müdafiə sistemi desantları havadan dəstəkləyir, artilleriya isə sahildəki müqavimət nöqtələrini məhv edir”, – deyə jurnalist qeyd edir.

Müəllifin sözlərinə görə, Rusiya hazırda Xəzərdə təcavüzə hazırdır. Belə ki, dənizə buraxıması nəzərdə tutulan texnika tamamilə hücum xarakterlidir və onun yeganə təyinatı sahilyanı ərazilərin zəbtidir. “Telekanalda verilən süjetdə qeyd edildi ki, bu gəmi hazırda çox vacib zərurət daşıyır. Beləliklə, bir sual açıq qalır: Hansı ölkənin ərazisi bu zərurətin hədəfidir?”, – deyə Andrey Şipilov bildirir.

Onun sözlərinə görə, Xəzər dənizi Rusiyadan başqa 4 ölkənin Qazaxıstan, İran, Türkmənistan və Azərbaycanın sahillərini yuyur. “Bu ölkələrdən hansının hücum hədəfi olacağını demək çətindir. İranla müharibə hazırda çətin ki Putinin planına aid olsun. Amma başdan ayağa Türkiyəyə bağlı olan Azərbaycan isə tam mümkündür ki, hədəf olsun. Xüsusilə də xatırlatmaq lazımdır ki, Rusiya Ermənistanı bir neçə yüz milyon dollar dəyərində silahla təchiz etməyə başlayıb. Nazarbayevə (Qazaxıstan prezidenti) gəldikdə isə, o son zamanlar doğurdan da nəzarətdən çıxıb”, – deyə Andrey Şipilov bildirib.

 

caspiandefense.wordpress.com

 




Yuxarı Əvvələ Ana Səhifə