XƏBƏR LENTİ

01 Dekabr 2020
30 Noyabr 2020

Digər Xəbərlər

05 İyun 2018 - 16:09

Fransada hərraca çıxarılan dinozavr skeleti 2,36 milyon dollara satılıb –FOTO

 

Fransada “Aguttes” satış evinin hərraca çıxardığı dinozavr skeleti 2,36 milyon dollara öz alıcısını tapıb.

AZƏRTAC Anadolu informasiya agentliyinə istinadla xəbər verir ki, hündürlüyü 2,6 metr, uzunluğu 9 metrə çatan dinozavr skeleti əvvəllər Parisin “Eyfel” qülləsində sərgiyə qoyulmuşdu.

Yaşının təxminən 150 milyon il olmasına baxmayaraq, bütünlüyünü demək olar ki, qoruyan skelet 2013-2015-ci illərdə ABŞ-ın Vayominq ştatında aparılan qazıntılar zamanı aşkarlanıb. Ekspertlər skeletinin 70 faizinin zərər görmədiyi bu dinozavr növünün elm aləminə indiyədək məlum olmadığını bildiriblər.

Onurğalılar Paleontologiyası Birliyi növü müəyyən olunmayan dinozavr skeletinin satışının ləğvi barədə ötən ay “Aguttes” satış evinə müraciət etmişdi. Satış evi isə öz növbəsində satışdan əldə olunacaq gəlirin bir hissəsinin vəhşi həyatı qorumaq üzrə ixtisaslaşmış iki xeyriyyə təşkilatına veriləcəyini bildirib.