XƏBƏR LENTİ

29 Sentyabr 2020

Digər Xəbərlər

25 Avqust 2018 - 13:23

Çin şirkəti bükülən dron hazırlayıb –Detallar

Çinin “DJI” şirkəti bükülən yeni “Mavic 2” dronunu təqdim edib. Pilotsuz uçuş aparatı “Mavic 2 Pro” və “Mavic 2 Zoom” versiyalarında istehsal olunacaq.

“Mavic 2 Pro” “Hasselblad” şirkəti tərəfindən hazırlanmış 20 meqapiksel təsvir ölçülü bir düymlük matrisli kamera, “Mavic 2 Zoom” versiyası isə “DJI”nin öz istehsalı olan 12 meqapiksel matrisli kamera ilə təchiz edilib. Dronun hər iki versiyası 4K formatında videoçəkilişi dəstəkləyir və 8 Gb daxili yaddaşa malikdir.

AZƏRTAC newsru.com saytına istinadən xəbər verir ki, yeni dron maneələri daha yaxşı dəf etməyə imkan verən təkmilləşdirilmiş sistemlə təchiz olunub. “Mavic 2” batareyası sayəsində yarım saatadək havada qala bilir, onun maksimal sürəti saatda 72 kilometrdir.

“Mavic 2 Pro”nu 1149 dollara, “Mavic 2 Zoom” versiyasını isə 1249 dollara əldə etmək mümkündür.