XƏBƏR LENTİ

27 Noyabr 2020

Digər Xəbərlər

06 Aprel 2017 - 19:58

İnsult olan meyxanaçı Kərim yaddaşını itirib:"Yaxınlarını  çətinliklə tanıya bilir”

İnsult keçirən məşhur meyxanaçı Kərim Novruzovun vəziyyəti yaxşı deyil. Onun yaddaşı itib, yaxınlarını, dostlarını çətinliklə tanıya bilir.

Bunu K.Novruzovun sənət yoldaşı Ağamirzə Məmmədov deyib.

Onun sözlərinə görə, Kərim bir neçə gün reanimasiyada qalacaq:

"Yanına çox adamı buraxmırlar. Gündə bir dəfə ailəsindən kimsə onunla görüşə bilir. Həkimlər deyib ki, hələ bir müddət reanimasiyada qalacaq. Vəziyyəti düzələrsə, palataya köçürəcəklər. Kərim çox adamı tanımır. Bizim üçün də gözlənilməz oldu. Kərimin halı birdən-birə pisləşib. O, qəfildən insult keçirib. Səbəbini hələ bilmirik. Bəlkə, fikir edib, ya da əsəbiləşib. İnsanın yaşı artdıqca, belə təhlükələrlə üz-üzə qalır".

Azvision.az