XƏBƏR LENTİ

27 May 2020
26 May 2020

Digər Xəbərlər

15 Yanvar 2018 - 20:13

Fədayə Laçının həbs müddəti uzadılıb –Müğənni şikayət verib

 

Xüsusi təyinatlı qatardan qaçan məhbuslarla bağlı həbs edilən müğənni Fədayə Laçın və digərlərinin həbs müddəti uzadılıb.

F. Laçının vəkili Türkel Süleymanlı APA-ya bildirib ki, həbs qətimkan tədbirinin müddəti Nəsimi rayon Məhkəməsinin qərarı ilə artırılıb. O, F. Laçın barəsində olan qərardan apellyasiya şikayəti verdiklərini, şikayətə yaxın günlərdə Bakı Apellyasiya Məhkəməsində baxılacağını deyib.

Xatırladaq ki, ötən il oktyabrın 23-də Bakı- Astara – Bakı planlı dəmir yolu qarovulu ilə xüsusi təyinatlı vaqonda Bakı şəhərinə müşayiət olunan 1980-ci il təvəllüdlü, əvvəllər məhkum edilmiş, hazırda Cinayət Məcəlləsinin (CM) müxtəlif maddələri ilə təqsirləndirilən Etibar Ələkbər oğlu Məmmədov və 1989-cu il təvəllüdlü, əvvəllər məhkum olunmamış, CM-nin müxtəlif maddələri ilə təqsirləndirilən Əli Rasim oğlu Ağami müşayiət altından qaçıblar.

Qaçan məhbuslardan Əli Ağami bir neçə gün sonra Şirvan şəhərində tutulub. E. Məmmədov isə bir neçə gün sonra keçirilən əməliyyat zamanı hüquq-mühafizə orqanlarının əməkdaşları tərəfindən zərərsizləşdirilib.

Məhkumların qaçmasına yardım etməkdə təqsirləndirilən Hacıyev Məhəmməd Famil oğlu, Günay Atakişiyeva, müğənni Fədayə Laçın və Pentensiar Xidmətin bir neçə əməkdaşı həbs olunub.