XƏBƏR LENTİ

01 İyun 2020

Digər Xəbərlər

30 Yanvar 2018 - 15:43

“Sponsorlar vasitəsi ilə Zeynalabdin Tağıyevin ev muzeyində bərpa işləri görüləcək” –Nazir

"Dövlətin imkanları olmasa da, biz müxtəlif sponsorların vasitəsi ilə Hacı Zeynalabdin Tağıyevin ev muzeyində müəyyən bərpa işlərini görmək arzusundayıq".

Bunu mədəniyyət və turizm naziri Əbülfəs Qarayev deyib.

O qeyd edib ki, 2018-ci il ərzində bərpa işlərinin başlanılacağı gözlənilir: "Bu məsələ bizim xidmət tərəfindən qaldırılıb. Hazırda bu cür evlər ayrıca siyahıya götürülür. Əsas odur ki, biz onları siyahıya alaq və dövlət reyesterinə daxil olmasını təmin edək".

Nazir əlavə edib ki, Mirzə Ələkbər Sabirin ev muzeyi hazırda sponsorların vasitəsi ilə yenidən bərpa olunur: "Sabirin ev muzeyi müasir olacaq. Bu sahədə artıq ictimaiyyətin də iştirakını canlandırmaq lazımdır. Azərbaycanda hər bir vətəndaş bilməlidir ki, bizim mədəni irsimiz bizim sərvətimizdir. Biz ona öz münasibətimizdən nümayiş etdirməliyik ki, bu mənimdir. Mən onu qorumalıyam, sındırmamalıyam, əzizləməliyəm. Biz bu işlərin dövlətin dəstəyi ilə yanaşı paralel olaraq imkanlı şəxslərin, sponsorların hesabına görülməsinin arzusundayıq".

Report