Bu gün “Bakı Kristal Zalı”nda Azərbaycan Xalq Cümhuriyyətinin 100 illik yubileyinə həsr edilən təntənəli konsert olacaq.
AZƏRTAC xəbər verir ki, konsert proqramında tanınmış mədəniyyət və incəsənət xadimləri çıxış edəcəklər.
Konsert saat 20:00-dan etibarən Dənizkənarı Milli Park ərazisində – Azərbaycan Dövlət Kukla Teatrının arxasındakı meydançada quraşdırılmış böyük monitorda canlı yayımlanacaq. Saat 22:00-da isə möhtəşəm atəşfəşanlıq olacaq.